தினம் ஒரு கைப்பிடி இதைச் சாப்பிட்டால் டாக்டரிடம் போகவே வேண்டாமாம்...


பருப்புகள் எல்லாமே உடல்நலத்துக்கு நன்மை தருபவை. குறிப்பாக பாதாம் பருப்பில் அதிக அளவு புரதமும் நார்ச்சத்தும் இன்னும் ஈடு இணையற்ற சத்துகள் நிறைந்திருக்கிறது. அன்றாடம் ஒரு கைப்பிடி பாதாம் அளவில்லாஆரோக்கியத்தைத் தரும் என்கிறது ஆய்வு..




​பாதாம்பருப்பில் இருக்கும் சத்துகள்



பாதாம் பருப்பில் கார்போஹைட்ரேட், கால்சியம், புரதம், வைட்டமின் ஏ, வைட்டமின் இ, வைட்ட மின் பி6, இரும்பு, மெக்னீசியம், பொட்டாசியம், பாஸ்பரஸ்,நார்ச்சத்து, தாது உப்பு ,போலேட், நியா சின் பி3, ரிபோஃப்ளேவின், தயமின், கால்சியம்,இரும்புச்சத்து, சோடியம், துத்தநாகம் போன்றவை இருக்கிறது.

எடை குறைக்க விரும்புபவர்களுக்குபுரதமும் கொழுப்பும் நிறைந்திருக்கும் உணவை தவிர்க்க சொல்வார்கள். ஆனால் இதில் பாதாம் மட்டும் விதிவிலக்கு. பாதாமில் இருக்கும் கொழுப்பு நல்ல கொழுப்பு. இது எச்.டி.எல் என்னும் நல்ல கொழுப்பை அதிகரித்து கெட்ட கொழுப்பை வெளியேற்று கிறது.




பாதாமில் இருக்கும் ஃப்ளேவனாயிட்ஸ் மற்றும் வைட்டமின் இ சத்து இதய நோய்க்கு நல்லது. இதில் இருக்கும் குளுட்டாமிக் அமிலம் நரம்புகளை பலப்படுத்துவதோடு நினைவாற்றல் திறனையும் அதிகரிக்கிறது. இன்று ஆரோக்கியத்திலும் அழகிலும் முக்கிய பங்கு வகிக்கிறது பாதாமும் பாதாம் எண்ணெயும்.

​பாதாமும் இதயமும்



பாதாமில் இருக்கும் துத்தநாகம், சுண்ணாம்புச்சத்து, இரும்புச்சத்து, பாஸ்பரஸ், தாமிரம், நியா சின், செலினியம், மெக்னீசியம் போன்றவை இதயத்தின் ஆரோக்கியத்துக்கு நல்லது.

அமெரிக்க டயட்டெடிக் அசோசியேஷன் வெளியிட்ட ஆய்வு ஒன்றில் தினப்படி பாதாம் எடுத்து கொள்வது இரத்த சிவப்பு அணுக்களில் வைட்டமின் ஈ அளவை அதிகரிப்பதோடு கொழுப்பின் அளவையும் குறைக்க செய்கிறது. உடலில் இருக்கும் அதிகப்படியான கெட்ட கொழுப்புகள் இரத்த நாளங்களில் அடைப்பை உண்டாக் கும்.




தினசரி 30 கிராம் வீதம் பாதாம் எடுத்துகொள்வதன் மூலம் இந்த கொழுப்பு வெளியேற்றப்படுகிறது. நல்ல கொழுப்பையும் அதிகரிக்கிறது. இதனால் இதய நோய் பாதிப்பு ஏற்படுவதைத் தடுக்கிறது.

​பாதாமும் கொழுப்பும்



ஆய்வு ஒன்றில் தினசரி குறிப்பிட்ட நபர்களுக்கு பாதாம் பருப்புகள் கொடுக்கப்பட்டது. அத்தருணத் தில் கொழுப்பை குறைப்பதற்கான எந்தவிதமான மாத்திரைகளையும் அவர்கள் எடுத்து கொள்ள வில்லை. குறிப்பிட்ட நாட்களுக்கு பிறகு அவர்களது இரத்தத்தைப் பரிசோதனை செய்த பிறகு உட லில் இருக்கும் கெட்ட கொழுப்புகளின் அளவு குறைந்திருந்தது கண்டறியப்பட்டது.




தினமும் 30 கிராம் பாதாம் எடுத்துகொள்வது உடலில் இருக்கும் எல்டிஎல் என்னும் கெட்ட கொழுப்புக ளைக் குறைக்கிறது என்பது ஆய்வில் கண்டறியப்பட்டுள்ளது. கெட்ட கொழுப்பு நிறைந்த உணவுக ளைத் தவிர்க்க வேண்டும் என்று வலியுறுத்துகிறார்கள் மருத்துவர்கள். அதே நேரம் நல்ல கொழுப்பு நிறைந்த பாதாம் பருப்புகளை எடுத்துகொள்ள வேண்டும் என்றும் கூறுகிறார்கள்.

பாதாமும் உடல் எடையும்



உடல் எடையை குறைக்க விரும்புகிறவர்கள் தினசரி ஒரு கைப்பிடி பாதாம் எடுத்துகொண்டால் பசி யின் அளவை கட்டுப்படுத்துகிறது. கலோரி குறைந்த பாதாமில் புரதமும் நார்ச்சத்தும் இணைந்து பசி உணர்வை கட்டுப்படுத்துகிறது.

அதிகளவு உணவு எடுத்து கொள்வதை வழக்கமாக கொண்டிருப்பவர்கள் உடல் எடையைக் குறை க்க விரும்பும் போது அதீத பசியை கட்டுப்படுத்தாமல் திணறுவார்கள்.அல்லது பட்டினி கிடந்து உடல் எடையை குறைக்க விரும்புவார்கள். அப்படி பட்டினி கிடக்கும் போது உடல் போது மான சத்தில்லாமல் உடல் மேலும் பலமிழக்கும்.




உடல் எடையைக் குறைக்க விரும்புபவர்களுக்கு பாதாம் ஒரு நல்ல தீர்வாக இருக்கும். குறைந்த கலோரி உள்ள பாதாம் கொட்டையை எடுத்துகொண்ட பருமனான பெண்கள் அதிக அளவு எடை இழப்பை பெற்றிருந்ததும் ஆய்வு ஒன்றில் கண்டறியப்பட்டது. உடல் எடை குறைய விரும்புபவர்களுக்கு பாதாமும் பரிந்துரைக்கப்படுகிறது.

​பாதாமும் எலும்பும்



உடலின் எலும்பு வளர்ச்சிக்கு கால்சியம் தேவை என்பது அனைவருக்கும் தெரியும். கால்சியம் சத்து உடலுக்கு சேர வேண்டுமெனில் வைட்டமின் டி சத்து அவசியம். அந்த வைட்டமின் டி சத்தை அளிப்ப தில் பாதாம் முக்கிய பங்கு வகிக்கிறது.

வளரும் பருவம் முதலே வைட்டமின் சி சத்து கிடைக்கபெற்றால் குழந்தைகள் எலும்புகள் வலுவடை யும். பாலில் இருக்கும் கால்சியமும் பாதாமில் இருக்கும் வைட்டமின் டி- யும் இணைவதால் மூட்டு வலி. ஆஸ்டியோபெராசிஸ் பிரச்னைகள் கண்டிப்பாக வராது. மேலும் குழந்தைகளுக்கு பாதாமில் இருக்கும் ஒமேகா 3 கொழுப்பு அமிலங்கள் மூளையை பலப்படுத்தி நினைவாற்றலையும் அதிகரிக் கிறது. இதனால் வயதான பிறகு வரும் அல்சைமர் என்னும் மறதி நோய் தவிர்க்கப்படுகிறது.




​பாதாமும் நீரிழிவு மற்றும் இரத்த அழுத்தமும்



உலகில் அதிகப்படியான மக்கள் கொண்டிருக்கும் தீராநோய் என்று அழைக்கப்படும் நீரிழிவு மற் றும் இரத்த அழுத்தம் இரண்டுக்கும் பாதாம் ஏற்ற உணவு என்கிறார்கள் மருத்துவர்கள்.

பாதாமில் இருக்கும் ஆரோக்கியமான கொழுப்பு, நார்ச்சத்து, மெக்னீசியம், புரதம் வைட்டமின் ஈ போன்றவை உடலின் ஆரோக்கியத்தை மேலும் உறுதி செய்கின்றன.நீரிழிவு நோயால் பாதிக்கப் பட்டவர்கள் பாதாமை எடுத்துகொள்ளும்போது இரத்தத்தில் சர்க்கரை அளவு குறைக்கப்படுகிறது. ஆய்வு ஒன்றில் உணவுக்கு பிறகு இரத்த சர்க்கரை அளவு அதிகரிப்பதை குறைக்கிறது என்பது கண் டறியபட்டுள்ளது.டைப் 2 நீரிழிவு நோயாளிகளுக்கு உண்டாகும் பாதிப்பை குறைக்கிறது.

இரத்த அழுத்தம் உள்ளவர்களுக்கு அதிகப்படியான கொழுப்பு கேடு தரும். அத்தகைய கொழுப்பை குறைத்து நல்ல கொழுப்பை ஊக்குவிக்கிறது. இதனால் இரத்த அழுத்தத்தால் உண்டாகும் நோய்கள் தவிர்க்கப்படுகின்றன.




​பாதாமும் நோய் எதிர்ப்பும்



உடலில் உண்டாகும் ஆரோக்கிய பிரச்சனைகள் அனைத்துக்கும் பொதுவான காரணம் உடலில் போதுமான நோய் எதிர்ப்பு சக்தி இல்லாததுதான்.

தற்போதைய காலத்தில் மாறிவரும் உணவு முறை பழக்க வழக்கங்களால் நோய் எதிர்ப்பு பொருள் கள் இரத்தத்தில் குறைந்து இருக்கின்றன. இதனால் தொற்றுகள் தாக்கும் போது எளிதாக ஆரோக்கி யக் குறைபாடு பிரச்சனைகள் உண்டாகிறது. குறிப்பாக குழந்தைகள் மற்றும் வயதானவர்கள்நோய் எதிர்ப்பு சக்தி குறைவால் அதிகமாக பாதிக்கப்படுகிறார்கள்.

தினசரி 30 கிராம் பாதாம் எடுத்துகொள்ளும் போது பாதாமின் சத்துகள் இரத்தத்தில் நோய் எதிர்ப்பு சக்தியை அதிகரிக்க செய்கிறது. இதனால் எளிதில் தொற்றுகள் உடலில் பரவுவதைத் தடுக்கிறது. உடல் வலுவடைகிறது.




பாதாமும் குடலும்



மலச்சிக்கல் பிரச்சனை இருப்பவர்கள் நார்ச்சத்து அதிகமுள்ள உணவு வகைகளை எடுத்துகொள்ள வேண்டும் என்கிறார்கள் மருத்துவர்கள். இந்த பிரச்சனையிலிருந்து விடுபட பாதாம் உதவுகிறது. இதிலிருக்கும் வேதி பொருட்கள் உணவை செரிமானமாக்கி மலச்சிக்கலைத் தீர்க்கிறது.

பாதாம் பருப்பில் இருக்கும் நார்ச்சத்து குடல் இயக்கத்தை சீராக வைத்திருக்க உதவுகிறது. இதில் இருக்கும் பைட்டோ கெமிக்கல், ஃப்ளேவனாய்டுகள் குடலில் நன்மை பயக்கும் பாக்டீரியாக்களை அதிகரிக்க செய்கிறது. இது புற்றுநோய்களை ஊக்குவிக்கும் செல்களை ஆரம்பத்திலேயே அழிக் கிறது.




​பாதாமும் இல்லறமும்



இல்லற வாழ்வை இனிமையாக்க பாதாம் பயன்படுகிறது. இதை முன்கூட்டியே அறிந்திருந்தவர்கள் நம் முன்னோர்கள். 25 வருடங்களுக்கு முன்பு வரை திருமணம் முடிந்ததும் பாதாமை ஊறவைத்து தோலுரித்து அரைத்து பாலில் கலந்து காய்ச்சி புது மாப்பிள்ளைக்கு கொடுப்பார்கள்.

தொடர்ந்து மூன்று மாதஙள் வரை இரவு நேரத்திலும் மறுநாள் காலையிலும் இந்த பாலை கொடுப் பார்கள். பாதாம் உடலில் எலும்புகள், நரம்புகள், தசைகள் அனைத்திலும் வலுவை உண்டாக்கி உட லுக்கு ஆற்றலைத் தரும் என்பதோடு ஆண்மை சக்தியையும் இயற்கையாக பெருக்கும். இன்றும் சில பெரியோர்கள் புதுமாப்பிள்ளைக்கு பாதாம் பால் கொடுக்கும் பழக்கத்தை கடைபிடிக்கிறார்கள்.

இப்படி தாம்பத்திய வாழ்க்கையிலும், விரைவில் குழந்தைப்பேறு அடையவும் பாதாமை இயற்கை யாகவே பயன்படுத்தினார்கள். ஆண்களின் உயிரணுக்ககளை அதிகப்படுத்தவும் மலட்டுத் தன் மையைப் போக்கவும், ஆண்மைகுறைபாடு பிரச்சனைகளை நீக்கவும் பாதாம் சிறப்பாக பயன்படு கிறது என்பது குறிப்பிடத்தக்கது.




​பாதாமும் சருமமும்



உணவு என்பது ஆரோக்கியத்துக்கு என்னும் போதே அழகுக்கும் சேர்த்தே பயன் தரும். அந்த வகை யில் பாதாம் அழகையும் பராமரிக்க உதவுகிறது. சருமத்தை வறட்சியிலிருந்து நீக்கி சருமத்துக்கு பளபளப்பு தருகிறது. சருமத்தின் ஈரப்பதத்தைத் தக்கவைத்து கொள்ள உதவுகிறது.

பெண்கள் பாதாமை தொடர்ந்து சாப்பிடும் போது இளநரை பிரச்சனை, கூந்தல் உதிர்வு பிரச்சனை களிலிருந்து விடுபடுவார்கள். இதிலிருக்கும் வைட்டமின் இ சரும பிரச்சனைகள் வராமல் காக்கிறது அழகு குறித்த பராமரிப்புகளிலும் பாதாம் எண்ணெய் அதிகம் பயன்படுத்தப்படுகிறது.




சருமத்தின் நிறத்தை மாற்றி பொலிவாக்க பாதாமை அரைத்து பயன்படுத்துவதும் உண்டு. தினசரி 30 கிராம் பாதாம் எடுத்துகொள்வது நிறைந்த ஆரோக்கியத்துக்கு உதவும் என்கிறது ஆய்வுகள். சற் றே கூடுதல் விலையாக இருந்தாலும் உடலுக்கு உறுதியான ஆரோக்கியம் கிடைக்கும் என்பதால் தவிர்க்காமல் எடுத்துக்கொள்ளுங்கள்