உடல் உபாதைகளுக்கு தீர்வாக அமையும் கறிவேப்பிலை

தலைமுடி ஆரோக்கியத்திற்கு கறிவேப்பிலை நல்ல பலனை கொடுக்கும் என்பது பலருக்கும் தெரியும். இதுமட்டுமல்லாமல் வேறு சில நன்மைகளும் உண்டு.

குமட்டல்:

ஆறு கறிவேப்பிலையை எடுத்து கழுவி உலர வைக்கவும். இதனை அரை டீஸ்பூன் நெய்யுடன் வறுத்தெடுக்கவும். இதனை குளிர வைத்து சாப்பிட்டால் குமட்டல் தொந்தரவு சரியாகும்.

வாய் துர்நாற்றம்:

கறிவேப்பிலையை ஐந்து நிமிடங்கள் மென்று, அதன்பிறகு தண்ணீர் குடிக்கவும். இதனால் வாய் துர்நாற்றம் சரியாகும்.

வயிற்றுப்போக்கு:

சுமார் 30 கறிவேப்பிலையை கழுவி அதனை அரைத்து பேஸ்ட் போல் தயாரிக்கவும். இதனை மோருடன் கலந்து குடிக்கவும். இதனால் வயிற்றுப்போக்கு குணமாகும்.

நீரிழிவு நோய்:

நீரிழிவு நோயாளிகள் கறிவேப்பிலை சட்னி செய்து சாப்பிடலாம். இதனை உங்கள் உணவில் சேர்த்து சாப்பிடலாம்.

வாய்ப்புண்:

கறிவேப்பிலை தூளை தேனுடன் கலந்து கொள்ளவும். இதனை வாய்ப்புண் இருக்கும் இடத்தில் தடவிக் கொள்ளவும். இதனை மூன்று நாட்கள் தொடர்ந்து செய்து வர வாய்ப்புண் சரியாகும்.