புரதம், பொட்டாசியம், இரும்பு, சோடியம், சுண்ணாம்பு, பாஸ்பரஸ், விட்டமின் ஏ, பி மற்றும் சி ஆகிய சத்துகளைக் கொண்ட ஏலக்காய் வாசனைப் பொருள் மட்டுமின்றி பல மருத்துவ பலன்களைக் கொடுக்கவல்லது.
► ஏலக்காயில் உள்ள மெலடோனின், உடலில் உள்ள தேவையற்ற கொழுப்புகளை கரைக்கிறது. இதனால் உடல் எடை குறையும்.
► உடல் எடையைக் குறைக்க விரும்புபவர்கள் ஏலக்காய் டீ, ஏலக்காய் நீரை தொடர்ந்து அருந்திவர நல்ல பலன் கிடைக்கும். இத்துடன் நொறுக்குத் தீனிகளை தவிர்த்து, எளிய உடற்பயிற்சிகள் செய்தால் உடல் எடை குறைவது நிச்சயம்.
► மேலும், ஏலக்காயில் உள்ள ஆன்டி ஆக்சிடென்ட் செரிமானத்தை தூண்டுகிறது. இரவில் தூங்கச் செல்லும் முன் பாலில், சிறிது ஏலக்காய் பொடி சேர்த்துக் குடியுங்கள். செரிமானத்திற்கு உதவுவதோடு மலச்சிக்கலையும் தீர்க்கும்.
► ரத்தத்தில் இருக்கும் சர்க்கரையின் அளவைக் கட்டுப்படுத்தும் சிறந்த பொருள் ஏலக்காய். மேலும் அனைத்து வித சுவாசக் கோளாறுகளை நீக்கும்.
► குளிர்காலத்தில் பலரும் சளி, இருமலால் அவதிப்படுவர். இதற்கு ஏலக்காய் மிகச்சிறந்த தீர்வு. ஏலக்காயை டீ, பாலில் சேர்த்து குடித்து வரலாம் அல்லது ஏலக்காய் கஷாயம் குடிக்க சளி, இருமல், தொண்டைப் பிரச்னைகள் சரியாகும்.
► தலைசுற்றல், வாந்தி, மயக்கம் இருந்தால் இரண்டு ஏலக்காயை வாயில் போட்டுக்கொள்ள சில நிமிடங்களில் பிரச்னை தீர்ந்துவிடும்.
► ஏலக்காயை வாயில் போட்டுக்கொள்வதால் பற்கள், ஈறுகள் வலுவாகும். பல் வலிகளை குணப்படுத்தும். வாய் துர்நாற்றம் இருக்காது.
இதுபோன்ற எண்ணற்ற பலன்கள் கொண்ட ஏலக்காயை சிறிதேனும் தினமும் உணவில் சேர்த்துக்கொள்ளுங்கள்...
No comments:
Post a Comment