2,000 ரூபாய் நோட்டுகளை மாற்ற எந்த படிவமும் நிரப்பி கொடுக்க தேவையில்லை என்று எஸ்.பி.ஐ சுற்றறிக்கை அனுப்பியுள்ளது.
வாடிக்கையாளர்களிடம் படிவமோ, அடையாள ஆவணமோ கேட்காமல் ரூ.2,000 நோட்டுகளை மாற்ற கிளைகளுக்கு உத்தரவு அளித்துள்ளனர். ஏற்கனவே படிவம் நிரப்பி தர வேண்டும் என அறிவுறுத்தப்பட்டிருந்த நிலையில் புதிய சுற்றறிக்கை அனுப்பியுள்ளனர்.
நாடு முழுவதும் 2,000 ரூபாய் நோட்டுகளை வழங்குவதை உடனடியாக நிறுத்துமாறு அனைத்து வங்கிகளுக்கும் இந்திய ரிசர்வ் வங்கி (ஆர்பிஐ) வெள்ளிக்கிழமை உத்தரவிட்டுள்ளது.அதே சமயம், அந்த ரூபாய் நோட்டு செப்டம்பர் 30ஆம் தேதிவரை செல்லுபடியாகும் என்றும் ரிசர்வ் வங்கி அறிவித்துள்ளது. இந்தியா முழுவதும் இதற்கு முன்பு அனைத்து ரூ.500 மற்றும் ரூ.1000 ரூபாய் நோட்டுகளின் சட்டபூர்வ வழங்கல் நிலையை ரிசர்வ் வங்கி 2016ஆம் ஆண்டில் திரும்பப் பெற்றது.
ரூ.2000/- மதிப்பிலான வங்கி நோட்டுகளை அனைத்து பொதுமக்களுக்கும் ஒரே நேரத்தில் ரூ.20000/- வரை மாற்றும் வசதி செய்ய முடிவு செய்யப்பட்டுள்ளது. எந்த கோரிக்கை சீட்டுகளையும் பெறாமல் அனுமதிக்கப்படும். மேலும் பரிவர்த்தனையின் போது டெண்டர்தாரர் எந்த அடையாளச் சான்றும் சமர்ப்பிக்கத் தேவையில்லை. ஏற்கனவே இணைக்கப்பட்டுள்ள சுற்றறிக்கை இணைப்யை உடனடியாக திரும்பப் பெறப்படுகிறது. மேற்கண்ட மின் சுற்றறிக்கையில் கொடுக்கப்பட்டுள்ள மற்ற அறிவுறுத்தல்களில் எந்த மாற்றமும் இல்லை என்று எஸ்.பி.ஐ தெரிவித்துள்ளது.
தயவு செய்து அதற்கேற்ப ஏற்பாடு செய்து பொதுமக்களுக்கு அனைத்து ஒத்துழைப்பையும் வழங்குங்கள், இதன் மூலம் பொதுமக்களுக்கு எந்தவித இடையூறும் இன்றி இப்பயிற்சி சுமூகமாகவும் தடையின்றியும் நடைபெறும்.என்று எஸ்.பி.ஐ தெரிவித்துள்ளது.
No comments:
Post a Comment