2026 நீட் தேர்விற்கு விண்ணப்பிக்க தேவையான முக்கிய சான்றிதழ்கள் - சிறு வழிகாட்டி கைடு..!

NEET 2026: விண்ணப்பிக்கத் தேவையான முக்கிய ஆவணங்கள் மற்றும் வழிகாட்டுதல்கள்

புகைப்படங்கள் (Photos):

பாஸ்போர்ட் அளவு: சமீபத்தில் எடுத்த வெள்ளை பின்னணி (White background) கொண்ட புகைப்படம். முகம் 80% தெரிய வேண்டும் (தொப்பி, மாஸ்க், கூலிங்கிளாஸ் தவிர்க்கவும்).

போஸ்ட் கார்டு அளவு (4" x 6"): பாஸ்போர்ட் அளவை போன்றே அதே தெளிவுடன் இருக்க வேண்டும்.

கையொப்பம் (Signature): வெள்ளை காகிதத்தில் கருப்பு நிறப் பேனாவால் இடப்பட்ட கையெழுத்து (முழுப் பெயரையும் எழுத வேண்டும், சுருக்கெழுத்து தவிர்க்கவும்).

கைரேகைப் பதிவு (Thumb Impression): வெள்ளை காகிதத்தில் இடது கை பெருவிரல் ரேகை (Left Hand Thumb Impression).

கல்விச் சான்றிதழ்கள்:

10-ஆம் வகுப்பு மதிப்பெண் சான்றிதழ் (பிறந்த தேதி மற்றும் பெயர் சரிபார்ப்பிற்கு).

12-ஆம் வகுப்பு மதிப்பெண் சான்றிதழ் (தேர்ச்சி பெற்றவர்களுக்கு).

சாதிச் சான்றிதழ் (Category Certificate): SC / ST / OBC-NCL / EWS பிரிவினர் மற்றும் மாற்றுத்திறனாளிகள் (PwBD) உரிய சான்றிதழ்களை தயாராக வைத்திருக்க வேண்டும்.

அடையாள அட்டை (Identity Proof): ஆதார் கார்டு, வாக்காளர் அடையாள அட்டை, பாஸ்போர்ட் அல்லது PAN கார்டு ஆகியவற்றில் ஏதேனும் ஒன்று.

NEET பதிவு செய்யும் முன் உங்கள் கைகளில் தயாராக வைத்துக்கொள்ள வேண்டியவை

செயல்படும் Mobile Number , Email ID

தகுதிகள் மற்றும் முக்கியக் குறிப்புகள்

வயது வரம்பு: 31 டிசம்பர் 2026-க்குள் குறைந்தபட்சம் 17 வயது பூர்த்தியாகி இருக்க வேண்டும். அதிகபட்ச வயது வரம்பு ஏதுமில்லை.

கல்வித் தகுதி: 12-ஆம் வகுப்பில் இயற்பியல், வேதியியல், உயிரியல்/உயிரித் தொழில்நுட்பம் (Physics, Chemistry, Biology/Biotechnology) மற்றும் ஆங்கிலம் ஆகிய பாடங்களை படித்திருக்க வேண்டும். 2026-இல் பிளஸ் 2 தேர்வு எழுதவுள்ள மாணவர்களும் விண்ணப்பிக்கலாம்.

தொடர்பு விபரங்கள்: ஒரு நிரந்தரமான மொபைல் எண் மற்றும் மின்னஞ்சல் முகவரி (Email ID) அவசியம். Gmail பயன்படுத்துவது OTP சிக்கல்களை குறைக்க உதவும்.

தவிர்க்க வேண்டிய பொதுவான தவறுகள் (Common Mistakes)

பெயர் குழப்பம்: 10-ஆம் வகுப்பு சான்றிதழில் உள்ளபடியே விண்ணப்பத்தில் பெயர் மற்றும் தந்தை பெயர் இருக்க வேண்டும்.

புகைப்படத் தவறு: பழைய அல்லது தெளிவற்ற புகைப்படங்களை பதிவேற்றுவதைத் தவிர்க்கவும்.

நிதியுறுதிப் பக்கம் (Confirmation Page): விண்ணப்பம் சமர்ப்பித்த பிறகு 'Confirmation Page'-ஐப் பதிவிறக்கம் செய்ய மறக்காதீர்கள்; இதுவே உங்கள் விண்ணப்பத்திற்கான ஆதாரம்.

தவறான பிரிவு: சாதிப் பிரிவைத் (Category) தேர்வு செய்யும்போது மிகுந்த கவனம் தேவை, ஏனெனில் பின்னர் மாற்ற இயலாது.

உதவிக்காக சில முக்கிய டிப்ஸ் :

Gmail பயன்படுத்தினால் OTP issue குறையும். எல்லா ஆவணங்களும் scanned copy ஆக இருக்க வேண்டும்

NTA குறிப்பிடும் file size & format (JPG/JPEG/PDF) பின்பற்ற வேண்டும்.

பெயர், பிறந்த தேதி அனைத்தும் 10ஆம் சான்றிதழுடன் ஒத்திருக்க வேண்டும்.