தமிழகத்தில், பி.எட்., படிப்பதற்கான கல்லூரிகள் பற்றி அறிந்துகொள்வோமா?

ஆசிரியர் பணிக்கான கல்வியியல் குறித்த பாடங்களைக் கொண்டு நடத்தப்படும் கல்லூரிகள் கல்வியியல் கல்லூரிகள் (டீச்சர் டிரைனிங்) என அழைக்கப்படுகின்றன.

இந்தியாவில் இத்தகைய கல்வியியல் கல்லூரிகளில் இளம்நிலை, முதுநிலை மற்றும் ஆய்வியல் நிறைஞர் பட்டப்படிப்புகள் (M.Phil) நடத்தப்படுகின்றன. இலங்கையில் கல்வியியல் கல்லூரிகள் தற்போதுவரை கற்பித்தலுக்கான டிப்ளமோ கற்கைநெறிகளையே நடத்திவருகின்றன.

தமிழ்நாட்டிலுள்ள கல்வியியல் கல்லூரிகள்:

தமிழ்நாட்டில் கல்வியியல் கல்விக்காக தமிழ்நாடு ஆசிரியர் கல்வியியல் பல்கலைக்கழகம் அமைக்கப்பட்டுள்ளது. இந்தப் பல்கலைக்கழகத்தின் கீழ் அரசுக் கல்லூரிகள், தன்னாட்சிக் கல்லூரிகள் மற்றும் சுயநிதிக் கல்லூரிகள் போன்றவை இணைக்கப்பட்டுள்ளன.

அரசுக் கல்லூரிகள்:

தமிழ்நாட்டில் 7 அரசு கல்வியியல் கல்லூரிகள் உள்ளன.

இவற்றில் கோயம்புத்தூரில் மட்டும் முதுநிலைப் பட்டப்படிப்பு உள்ளன. மற்ற கல்லூரிகளில் இளநிலைப்பட்டப்படிப்பு மட்டும் உள்ளன.

அரசு பெண்கள் கல்வியியல் கல்லூரி, கோயம்புத்தூர். (இளநிலைப் பட்டப்படிப்பு இடங்கள்- 120 , முதுநிலைப் பட்டப்படிப்பு இடங்கள்-30)

அரசு கல்வியியல் கல்லூரி, குமாரபாளையம், நாமக்கல்.(இளநிலைப் பட்டப்படிப்பு இடங்கள்- 105)

அரசு கல்வியியல் கல்லூரி, புதுக்கோட்டை. (இளநிலைப் பட்டப்படிப்பு இடங்கள்- 100)

அரசு கல்வியியல் கல்லூரி, ஒரத்தநாடு, தஞ்சாவூர் மாவட்டம்.(இளநிலைப் பட்டப்படிப்பு இடங்கள்- 100)

அரசு கல்வியியல் கல்லூரி, வேலூர்.(இளநிலைப் பட்டப்படிப்பு இடங்கள்- 117)

தன்னாட்சிக் கல்லூரிகள்:

தமிழ்நாட்டில் 7 தன்னாட்சி நிலைக் கல்வியியல் கல்லூரிகள் உள்ளன. இவைகளில் இளநிலைப் பட்டப்படிப்புகள் மற்றும் முதுநிலைப் பட்டப்படிப்புகள் உள்ளன. இந்த 7 கல்லூரிகளிலும் முதுநிலைப் பட்டப்படிப்பிற்கு 35 இடங்கள் வீதம் உள்ளன.

இளநிலைப்பட்டப்படிப்புக்கான இடங்கள் அடைப்புக்குறிக்குள் அளிக்கப்பட்டுள்ளன.

கல்வியியல் மேம்பாட்டு நிறுவனம் (தன்னாட்சி), சைதாப்பேட்டை, சென்னை(இளநிலைப் பட்டப்படிப்பு இடங்கள்- 230)

வெலிங்டன் சீமாட்டி கல்வியியல் மேம்பாட்டு நிறுவனம் (தன்னாட்சி), திருவல்லிக்கேணி, சென்னை. (இளநிலைப் பட்டப்படிப்பு இடங்கள்- 200)

மேஸ்டன் கல்வியியல் கல்லூரி (தன்னாட்சி), இராயப்பேட்டை, சென்னை.(இளநிலைப் பட்டப்படிப்பு இடங்கள்- 120)

எ ன்.கே.டி.பெண்கள் கல்வியியல் கல்லூரி (தன்னாட்சி), திருவல்லிக்கேணி, சென்னை. (இளநிலைப் பட்டப்படிப்பு இடங்கள்- 250)

பு னித கிறிஸ்டோபர் கல்வியியல் கல்லூரி (தன்னாட்சி), வேப்பேரி, சென்னை. (இளநிலைப் பட்டப்படிப்பு இடங்கள்- 160)

ஸ்டெல்லா மதுதினா கல்வியியல் கல்லூரி (தன்னாட்சி), அசோக் நகர், சென்னை. (இளநிலைப் பட்டப்படிப்பு இடங்கள்- 200)

ஸ்ரீ இராமகிருஷ்ணா மிசன் வித்யாலயா கல்வியியல் கல்லூரி (தன்னாட்சி), பெரியநாயக்கன்பாளையம், கோயம்புத்தூர். (இளநிலைப் பட்டப்படிப்பு இடங்கள்- 100)

சுயநிதிக் கல்லூரிகள்:

தமிழ்நாட்டில் கல்வியியல் கல்வி அளிக்கும் 700 சுயநிதிக் கல்லூரிகள் செயல்பட்டு வருகின்றன.

உதவிபெறும் சிறுபான்மையினரல்லாத கல்லூரிகள்:

அன்னம்மாள் மகளிர் கல்வியியல் கல்லூரி, தூத்துக்குடி

லட்சுமி கல்வியியல் கல்லூரி, காந்திகிராம்

என்.கே.டி., தேசிய மகளிர் கல்வியியல் கல்லூரி, திருவல்லிக்கேணி, சென்னை

ஸ்ரீ ஆர்.கே.எம்.வி., ஆண்கள் கல்வியியல் கல்லூரி, கோவை

ஸ்ரீ சாரதா மகளிர் கல்வியியல் கல்லூரி, சேலம்

தியாகராஜர் ஆசிரியர் கல்லூரி, மதுரை

வ.வு.சி., கல்வியியல் கல்லூரி, தூத்துக்குடி

உதவிபெறும் சிறுபான்மையினர் கல்லூரிகள்

மெஸ்டன் கல்வியியல் கல்லூரி, ராயப்பேட்டை, சென்னை

புனித சேவியர் ஆண்கள் கல்வியியல் கல்லூரி, பாளையங்கோட்டை

ஸ்டெல்லா மடுடினா மகளிர் கல்வியியல் கல்லூரி, சென்னை

புனித கிறிஸ்டோபர் மகளிர் கல்வியியல் கல்லூரி, வேப்பேரி, சென்னை

புனித ஜஸ்டின் மகளிர் கல்வியியல் கல்லூரி, மதுரை

புனித இக்னேஷியஸ் மகளிர் கல்வியியல் கல்லூரி, பாளையங்கோட்டை

என்.வி.கே.எஸ்.டி., கல்வியியல் கல்லூரி, திருவட்டாறு.

நுழைவுத் தகுதி

இக்கல்லூரிகளில் சேர்வதற்கு இளங்கலை அல்லது இளம் அறிவியல் பட்டங்கள் பெற்றிருக்க வேண்டும். வணிகம், பொருளாதாரம், கணக்கியல் போன்ற மேல்நிலை வகுப்பில் மட்டும் இருக்கும் பாடங்களுக்கு முதுகலைப் பட்டம் பெற்றிருக்க வேண்டும்.

தமிழ்நாட்டில் வயது வரம்பு இல்லை.

தமிழ்நாடு ஆசிரியர் கல்வியியல் பல்கலைக்கழகம்: https://tnteu.ac.in

ஆசிரியர் கல்வியை மேம்படுத்தி, தரமான ஆசிரியர்களை உருவாக்கும் நோக்கத்தில் 2008-ம் ஆண்டு தமிழ்நாடு ஆசிரியர் கல்வியியல் பல்கலைக்கழகம் தொடங்கப்பட்டது.

தமிழ்நாடு ஆசிரியர் கல்வியியல் பல்கலைக்கழகத்தின் கீழ், தமிழகத்தில் 7 அரசு கல்வியியல் கல்லூரிகள், 14 அரசு உதவி பெறும் கல்வியியல் கல்லூரிகள் மற்றும் சுமார் 700 தனியார் கல்வியியல் கல்லூரிகள் செயல்பட்டு வருகின்றன. இக்கல்லூரிகளில் பி.எட், எம்.எட். படிப்புகள் நடத்தப்பட்டு வருகின்றன.

Share: