பிப்ரவரி 15-க்குள் ஆசிரியர் தகவல்கள் புதுப்பிக்க வேண்டும்: சி.பி.எஸ்.இ முக்கிய அறிவிப்பு

சி பி எஸ் இ இந்த நடவடிக்கையை, பள்ளிகளில் ஆசிரியர் தகுதி மற்றும் கல்வி தரத்தை உறுதி செய்வது மற்றும் பள்ளி நிர்வாகத்தில் வெளிப்படைத்தன்மையை மேம்படுத்துவது போன்ற பல காரணங்களால் எடுத்துள்ளது.

மத்திய நடுநிலைப்பள்ளிகள் வாரியம் (CBSE) அனைத்து அங்கீகாரம் பெற்ற பள்ளிகளுக்கும் முக்கிய அறிவுறுத்தலை வெளியிட்டு, பள்ளி வலைத்தளங்களில் ஆசிரியர்கள் தொடர்பான தகவல்களை பதிவேற்றவும், புதுப்பிக்கவும் கட்டாயமாக செய்ய வேண்டும் என்று அறிவித்துள்ளது. சி பி எஸ் சி அறிவிப்பில், இதனை பின்பற்றாத பள்ளிகளுக்கு அங்கீகாரம் விதிகளின் பிரிவு 12 படி நடவடிக்கை எடுக்கப்படும் என்று எச்சரிக்கை விடுக்கப்பட்டுள்ளது.

அறிவிப்பு படி, அனைத்து பள்ளிகளும் ஆசிரியர்களின் கல்வி தகுதி, பெயர் மற்றும் அங்கீகாரம் பெற்ற ஆவணங்களின் சரிபார்க்கப்பட்ட நகல்களை (அப்பெண்டிக்ஸ்-IX வடிவில்) பிப்ரவரி 15, 2026க்குள் தங்கள் வலைத்தளத்தில் பதிவேற்ற வேண்டும். சி பி எஸ் இ செயலாளர் ஹிமான்சு குப்தா ஒப்புதல் அளித்து இந்த சுற்றறிக்கை வெளியிடப்பட்டுள்ளது. அறிவிப்பில், பல பள்ளிகள் மீண்டும் மீண்டும் அறிவுறுத்தப்பட்டாலும், தங்கள் வலைத்தளங்களில் ஆசிரியர் தகவல்களை புதுப்பிக்கவில்லை, தவறான தகவல்கள் அல்லது தவறான ஆவணங்களை பதிவேற்றியுள்ளன, இதனால் பெற்றோர்கள் மற்றும் பிற நலனாளர்களுக்கு தேவையான வெளிப்படைத்தன்மை (Transparency) பாதிக்கப்படுகிறது என்று குறிப்பிட்டுள்ளது.

மேலும், சி பி எஸ் இ முன்னதாக ஜனவரி 12ம் தேதி வெளியிட்ட சுற்றறிக்கையில், அங்கீகாரம் பெற விரும்பும் பள்ளிகள் தங்கள் வலைத்தளங்களில் பள்ளி கட்டமைப்பு, அங்கீகாரம் நிலை, மற்றும் ஆசிரியர்களின் விவரங்கள் போன்ற முழுமையான தகவலை வெளியிட வேண்டும் என்று குறிப்பிட்டிருந்தது குறிப்பிடத்தக்கது. இதில், ஆசிரியர்களின் பெயர், கல்வி தகுதி மற்றும் அப்பெண்டிக்ஸ்-IX வடிவில் புதுப்பித்த ஆவணங்கள் ஆகியவை அடங்கும்.

அறிவிப்பில் மேலும் குறிப்பிடப்பட்டதாவது, இந்த வெளிப்படைத்தன்மை (Mandatory Disclosure) கட்டாயமாக இருக்க வேண்டும் என்பதே. சி பி எஸ் இ அங்கீகார விதிகளின் பல பிரிவுகளை எடுத்துரைத்து, ஒவ்வொரு ஆண்டும் செப்டம்பர் 15க்குள் பள்ளியின் வருடாந்திர அறிக்கையை (Annual Report) வலைத்தளத்தில் வெளியிட வேண்டும் என்றும் அறிவித்துள்ளது. இதன் மூலம் பெற்றோர்கள் மற்றும் சமூக நலனாளர்கள் பள்ளியின் கல்வி தரம் மற்றும் ஆசிரியர்கள் பற்றிய தகவலை நேரடியாக அறிய முடியும்.

சி பி எஸ் இ இந்த நடவடிக்கையை, பள்ளிகளில் ஆசிரியர் தகுதி மற்றும் கல்வி தரத்தை உறுதி செய்வது மற்றும் பள்ளி நிர்வாகத்தில் வெளிப்படைத் தன்மையை மேம்படுத்துவது போன்ற பல காரணங்களால் எடுத்துள்ளது. தகவல் மறைப்போ அல்லது தவறான தகவல் வெளியிடுபவர்கள் மீது தொடர்புடைய விதிகள் படி தண்டனைகள் விதிக்கப்படும் என்றும் அறிவித்துள்ளது.