அதிகாரம்:51.தெரிந்து தெளிதல்
குறள் எண்:502
குறள்:
குடிப்பிறந்து குற்றத்தின் நீங்கி வடுப்பரியும்
நாணுடையான் சுட்டே தெளிவு.
பொருள்:
நல்ல குடியிலே பிறந்து, குற்றங்கள் இல்லாதவனாய், பழிச் சொல் வரக்கூடாதென்று அஞ்சும் மனமுள்ளவனிடத்திலேயே நம்பிக்கை வைக்க வேண்டும்..
இரண்டொழுக்க பண்புகள் :.
1. காகம் ஒற்றுமையையும், தேனீயும் எறும்புகளும் சுறுசுறுப்பையும் போதிக்கின்றன.
பொன்மொழி :
ஒரு கருத்தை ஒற்றைக் கண்ணோட்டத்தில் அல்லது ஒரே கோணத்தில் பார்ப்பவர்கள் ,அதில் உள்ள உண்மைகளை ஆராய்வதில்லை. எனவே உங்கள் கருத்து பன்முகம் கொண்டதாக இருக்கவேண்டும் என்பதில் உறுதியாக இருக்க வேண்டும் ..
இறையன்பு அவர்கள்
பொது அறிவு :
English words :
1. Comprehensive– Thorough – விரிவான
2.Inevitable – Unavoidable – தவிர்க்க முடியாத
புவியியலும் சுற்றுசூழலும் :
NMMS :
MAT
வெளிநாடு செல்ல விரும்பும் ஒருவரது கடவுச்சீட்டில் குறிக்கப்படும் முத்திரை
(1) ஆதார் அட்டை
(2) விமான பயணச்சீட்டு
(3) விசா
(4) வாக்காளர் அடையாள அட்டை
விடை: (3) விசா
செப்டம்பர் 25
சதீஷ் தவான் அவர்களின் பிறந்த நாள்
சதீஷ் தவான் (பஞ்சாபி: ਸਤੀਸ਼ ਧਵਨ, இந்தி: सतीश धवन) (25 செப்டம்பர் 1920–3 சனவரி 2002) ஓர் இந்திய ராக்கெட் ஆராய்ச்சியாளர் ஆவார். சிறீநகரில் பிறந்த இவர் இந்தியாவிலும் ஐக்கிய அமெரிக்க நாடுகளிலும் கல்வி பயின்றுள்ளார். 1972-இல் இவர் இந்திய விண்வெளி ஆய்வு மையத்தின் தலைவராகவும் பதவி வகித்திருக்கிறார். இவரது நினைவாக ஸ்ரீஹரிகோட்டாவில் உள்ள இசுரோ ஆய்வு மையத்துக்கு இவருடைய பெயர் இடப்பட்டுள்ளது.
நீதிக்கதை
🌿 படிப்புடன் ஓய்வும் தேவை
ஒரு சிறிய ஊரில் விக்னேஷ் என்ற மாணவன் வாழ்ந்து வந்தான். அவன் படிப்பில் மிகவும் ஆர்வம் கொண்டவன். எப்போதும் புத்தகத்தை எடுத்துக்கொண்டு படித்துக் கொண்டே இருப்பான்.
தேர்வு நெருங்கியதால், “நான் அதிக நேரம் படித்தால்தான் அதிக மதிப்பெண் பெற முடியும்” என்று நினைத்து, ஓய்வு எடுக்காமல் தொடர்ந்து படித்தான். நண்பர்கள் விளையாட அழைத்தாலும் செல்லவில்லை . உணவு சாப்பிடும் நேரத்திலும் புத்தகத்தைப் பார்த்துக்கொண்டே இருந்தான். சில நாட்களில் அவனுக்கு மிகவும் சோர்வாக இருந்தது. படித்த பாடங்கள் சரியாக நினைவில் நிற்கவில்லை . இதை க் கவனித்த அவனுடைய தாய்,
“விக்னேஷ், படிப்பு முக்கியம் தான். ஆனால் உடலுக்கும் மனதுக்கும் ஓய்வு கொடுக்க வேண்டும். சிறிது நேரம் ஓய்வெடுத்து, நன்றாகத் தூங்கி, பிறகு படித்தால் படிப்பு நன்றாக மனதில் பதியும்,” என்று அறிவுரை கூறினார்.
அன்று முதல் விக்னேஷ் தனது படிப்பு நேரத்துடன் சிறிய ஓய்வு நேரத்தையும் வைத்துக்கொண்டான். மாலை சிறிது நேரம் விளையாடினான், சரியான நேரத்தில் உணவு சாப்பிட்டான், இரவில் நன்றாகத் தூங்கினான்.
அதன் பிறகு அவன் புத்துணர்ச்சியுடன் படிக்கத் தொடங்கினான். படித்தவை எளிதாக நினைவில் நின்றன. தேர்விலும் நன்றாக எழுதினான்.
அப்போது விக்னேஷ், “ஓய்வு என்பது நேரத்தை வீணாக்குவது அல்ல; அடுத்த முயற்சிக்கான சக்தியைப் பெறுவது!” என்பதைப் புரிந்துகொண்டான்.
நீதி: 🌟 படிப்பு எவ்வளவு முக்கியமோ, அதே போல் உடலுக்கும் மனதுக்கும் போதுமான ஓய்வு கொடுப்பதும் அவசியம்.
இன்றைய செய்திகள்
No comments:
Post a Comment