THAMIZHKADAL Android Mobile Application

Sunday, November 15, 2020

உடல் எடையை வேகமாக குறைக்க உதவும் அற்புத பொருள்!

அனைத்து ஆசிரியப் பெருமக்களுக்கும் வணக்கம். தங்களின் படைப்புகள் மாணவர்களுக்கு பயன்படவேண்டும் என நினைத்தால், உங்கள் படைப்புகளை thamizhkadal.com@gmail.com என்ற மின்னஞ்சல் முகவரிக்கு அனுப்பிவைக்கவும் உங்கள் அனுமதியோடு வெளியிடப்படும்.

JOIN YOUR தமிழ்க்கடல் TELEGRAM GROU


SUBSCRIBE YOUR தமிழ்க்கடல் கல்வித் தொலைக்காட்சி

உடல் எடையை குறைப்பது என்பது சாதாரண விஷயமல்ல. உடலில் எடை அதிகரிப்பு என்பது வாழ்க்கை முறை, உணவு பழக்கம் என பல காரணங்களால் ஏற்படுகிறது. உடல் எடை அதிகரிப்பது எளிதாக நடந்துவிட்டாலும் அதை குறைப்பது மிக கடினமான காரியமாகவே உள்ளது. பூண்டில் இருக்கும் ஊட்டச்சத்துக்கள் எடை இழப்பில் மிக முக்கிய பங்கு வகிக்கிறது.

இதனுடன் தேன் சேர்க்கும் போது நமக்கு கூடுதல் நன்மைகளை வழங்குகின்றன. எனவே எடை இழப்பை பெற விரும்புபவர்கள் பூண்டு மற்றும் தேன் சேர்ந்த கலவையை எடுத்துக் கொள்ளுங்கள். எனவே தான் பெரும்பாலான இந்திய சமையல் உணவுகளில் பூண்டை பயன்படுத்துகிறோம்.

எடை இழப்புக்கு பூண்டு

சில நேரங்களில், கடுமையான உடற்பயிற்சியில் இருந்து உங்கள் உணவு உட்கொள்ளலைக் கடுமையாகக் குறைப்பது வரை அனைத்தையும் முயற்சித்த போதிலும், நீங்கள் இன்னும் தேவையான எடையை இழக்க முடியாமல் போகலாம்.

ஆனால் பூண்டு உங்களுக்கு அந்த வெற்றியை தருகிறது. சாப்பாட்டுக்கு முன் காலையில் வெதுவெதுப்பான நீரைக் குடிப்பது, அதிகாலையில் எலுமிச்சை மற்றும் தேன் நீரைக் கொண்டிருப்பது போன்ற பல எடை இழப்பு ஐடியாக்கள் இருந்தாலும் பூண்டு மற்றும் தேன் சேர்ந்த கலவை ஒரு சக்தி வாய்ந்த எடை இழப்பு மருந்தாக கருதப்படுகிறது.

பூண்டு மற்றும் தேனின் நன்மைகள்

வெறும் வயிற்றில் பூண்டை எடுப்பது உங்க செரிமானத்தை அதிகரிக்கும். உடலில் உள்ள நச்சுக்களை வெளியேற்ற உதவி செய்யும். இரத்த அழுத்தம் மற்றும் கொழுப்பின் அளவிலும் முன்னேற்றம் காண்பீர்கள். உங்களுக்கு சிறந்த நோயெதிரிப்பு சக்தி கிடைக்கும். குளிர், காய்ச்சல் மற்றும் சலதோஷம் போன்றவற்றில் இருந்து விடுபடுவீர்கள்.

உடல் எடையை குறைக்க முடியும். இந்த பூண்டை தேனில் சேர்க்கும் போது அது ஒரு சக்தி வாய்ந்த டானிக்காக மாறுகிறது. செரிமானத்தை மேம்படுத்துவதன் மூலமும், வளர்சிதை மாற்றத்தை அதிகரிப்பதன் மூலமும் பூண்டு எடையை குறைக்க உதவுகிறது. தேன் நம்முடைய பசி வேதனையை தடுக்கிறது. இது கொழுப்பு இல்லாத பொருள் என்றாலும் நாள் முழுவதும் நீங்கள் உற்சாகமாக ஆற்றலுடன் செயல்பட உதவுகிறது.

இந்த சக்தி வாய்ந்த எடை இழப்பு டானிக் செய்வது எப்படி?

ஒரு கண்ணாடி ஜாரை எடுத்து அதில் பாதியளவு தேனால் நிரப்பிக் கொள்ளுங்கள்.

சிறிது பூண்டை தோலுரித்து முழு பூண்டு பற்களையும் அதனுள் சேருங்கள்.

பூண்டு தேனில் முழுமையாக மூழ்க ஊற வேண்டும். இதை சில நாட்கள் அப்படியே வைத்து விடுங்கள்.

பூண்டின் சத்துக்கள் தேனில் ஊறி இறங்கி விடும். உங்க எடை இழப்பிற்கான பூண்டு தேன் டானிக் ரெடி.

இந்த டானிக்கை காலையில் வெறும் வயிற்றில் எடுத்துக் கொள்ளுங்கள்.

ஊற வைத்த ஒரு பூண்டு பல்லை எடுத்து அதை நசுக்கி சாப்பிடுங்கள். தினமும் ஒரு மாதத்திற்கு செய்து வர நல்ல வித்தியாசத்தை காண்பீர்கள்.

எச்சரிக்கை

இது ஒரு ஆரோக்கியமான டானிக்காக அமைகிறது. நீங்கள் ஆஸ்துமாவால் அவதிப்படுகிறீர்கள் என்றால் இதை எடுத்துக் கொள்ளவதற்கு முன்பு உங்க மருத்துவரை அணுகுவது நல்லது.
ஏனெனில் ஆஸ்துமா மக்களுக்கு பூண்டு சிறந்தது அல்ல. அதே மாதிரி அறுவை சிகிச்சைக்கு முன்பு மற்றும் செய்த பிறகு இதை தவிர்க்க வேண்டும்.

அதே நேரத்தில் அதிகமாக எடுக்க கூடாது. ஒரு நேரத்தில் 2-3 பற்கள் மட்டும் போதுமானது.

No comments:

Post a Comment

STUDY MATERIALS

ONLINE TEST

Featured News