Breaking

Join THAMIZHKADAL Telegram Group

Join THAMIZHKADAL WhatsApp Group

Saturday, November 20, 2021

எத்தனை மாணவர்களுக்கு எத்தனை ஆசிரியர்கள்? SGT & BT ஆசிரியர் பணியிட நிர்ணயம் செய்தல் வழிமுறைகள் வெளியீடு.




குழந்தைகளுக்கான இலவச மற்றும் கட்டாயக் கல்விச் சட்டம் 2009 ல் வகுக்கப்பட்ட நெறிமுறைகளைப் பின்பற்றி 2019 2020 ம் ஆண்டில் ( 01.08.2019 ) பட்டதாரி ஆசிரியர் பணியிடங்கள் மாணவர்களின் எண்ணிக்கைக்கேற்ப பணியாளர் நிர்ணயம் ( Staff Fixation ) செய்யப்பட்டது போன்று நடப்புக் கல்வியாண்டிலும் ( 2021-22 ) 01.08.2021 அன்றைய நிலவரப்படி மாணவர்களின் எண்ணிக்கைக்கேற்ப பட்டதாரி ஆசிரியர் பணியிடங்கள் நிர்ணயம் செய்தல் சார்பாக கீழ்க்காணும் அறிவுரைகளைப் பின்பற்றி செயல்படுமாறு அனைத்து மாவட்ட முதன்மைக் கல்வி அலுவலர்களுக்கு அறிவுறுத்தப்படுகிறது.

1 ) 1 முதல் 5 ஆம் வகுப்பு வரை தமிழகத்தில் பள்ளிக் கல்வித் துறையின் கட்டுப்பாட்டில் ஒரு சில மாவட்டங்களில் 1 முதல் 10 வகுப்பு வரையிலும் , 1 முதல் 12 வகுப்பு வரையிலும் சில அரசுப் பள்ளிகள் செயல்பட்டு வருகின்றன . இவ்வாறான பள்ளிகளில் 1 முதல் 5 ஆம் வகுப்பு வரை உள்ள பிரிவுகளுக்கு தொடக்கக் கல்வி இயக்ககத்தில் தொடக்க / நடுநிலை பள்ளிகளில் பின்பற்றப்படுவதைப் போன்றே ( RTE Norms ) 60 மாணவர்கள் வரையில் 2 ஆசிரியர்களும் , 61 முதல் 90 மாணவர்கள் வரை 3 ஆசிரியர்களும் , 91 முதல் 120 மாணவர்கள் வரை 4 ஆசிரியர்களும் 121 முதல் 200 மாணவர்கள் வரை 5 ஆசிரியர்களும் இதே போன்று ஒவ்வொரு 40 மாணவர்களுக்கும் 1 ஆசிரியர் கூடுதலாக அனுமதிக்கப்படவேண்டும் . ( அட்டவணை இணைக்கப்பட்டுள்ளது )

2 ) 6 முதல் 8 வகுப்பு வரை 6 முதல் 8 வகுப்பு வரையில் இலவச மற்றும் கட்டாயக் கல்வி , உரிஷமச் சட்டம் -2009 ( RTE Norms ) அடிப்படையில் குறைந்தபட்சம் 3 பணியிடங்கள் அனுமதிக்கப்படவேண்டும் . ஒரு வகுப்பில் 35 மாணவர்கள் இருப்பின் ஒரு சிரிவாகக் கணக்கிற்கொண்டு ஓர் ஆசிரியர் பணியிடம் நிர்ணயம் செய்யவும் , ஒரு குறிப்பிட்ட வகுப்பில் மாணவர்களின் எண்ணிக்கை 50 க்கு மிகைப்படும்போது அவ்வகுப்பினை இரண்டு பிரிவுகளாகப் பிரித்து ( Section Bifurcation ) கூடுதல் பிரிவு ஏற்படுத்தலாம் . ( அட்டவணை இணைக்கப்பட்டுள்ளது )

3 ) 9 முதல் 10 வகுப்பு வரை 6-10 வகுப்பு வரையில் உள்ள பிரிவுகளுக்கு குறைந்தபட்ச மாணவர்களின் எண்ணிக்கையின் அடிப்படையில் 5 ஆசிரியர் பணியிடங்கள் ( தலா ஒரு பாடத்திற்கு ஒரு பணியிடம் வீதம் ) அனுமதிக்கப்படவேண்டும் . மேலும் , 9 மற்றும் 10 ம் வகுப்பில் தலா 40 மாணவர்கள் இருப்பின் ( 1:40 ) வகுப்பிற்கு ஒரு பிரிவாக கணக்கிற்கொள்ள வேண்டும் . ஒரு குறிப்பிட்ட வகுப்பில் ( 9,10 வகுப்பு ) மாணவர்களின் எண்ணிக்கை 60 க்கு மிகைப்படும்போது , அவ்வகுப்பினை இரண்டு பிரிவுகளாகப் பிரித்து ( Section Bifurcation ) கூடுதல் பிரிவு ஏற்படுத்திட வேண்டும் . ( அட்டவணை இணைக்கப்பட்டுள்ளது )

4 ) கூடுதல் தேவைப் பணியிடங்கள் ( Need Post ) மாணவர்களின் எண்ணிக்கையின் அடிப்படையில் கூடுதல் தேவை பணியிடங்கள் அனுமதிக்கும்போது பாடவாரியான சுழற்சியின் அடிப்படையிலும் , அப்பள்ளிக்குத் தேவையின் அடிப்படையிலும் ( Subject wise Specific Priority ) அறிவியல் , கணிதம் , ஆங்கிலம் , தமிழ் , சமூக அறிவியல் என்ற முறையில் நிர்ணயம் செய்திடவேண்டும்.

5 ) பாடவேளைகள் கணக்கிடுதல் ( Calculation of Periods ) மேலும் , பட்டதாரி ஆசிரியர் பணியிடங்கள் நிர்ணயம் செய்யும்போது ஓர் ஆசிரியருக்கு வாரத்திற்கு குறைந்தபட்சம் 28 பாடவேளைகள் ஒதுக்கீடு உள்ளதா என்பதையும் கணக்கில் கொள்ளவேண்டும் . ( Period calculation based on the number of sections work shcet model இணைக்கப்பட்டுள்ளது )

6 ) ஆங்கில வழிப்பிரிவுகள் பணியாளர் நிர்ணயம் i ) பார்வை -4 ல் காணும் அரசாணையின்படி அரசுப் பள்ளிகளில் தமிழ் வழிக் கல்விக்கு இணையாக ஆங்கில வழிக் கல்வி தொடங்கப்பட வேண்டும் OF GOT அறிவுறுத்தப்பட்டதன் பேரில் அரசுப் பள்ளிகளில் 2012-13ம் கல்வி ஆண்டிலிருந்து 6 ம் வகுப்பிலும் அதன் பின்னர் தொடர்ந்து வரும் கல்வியாண்டுகளில் முறையே 7,8,9,10 ம் வகுப்புகளுக்கு அடுத்தடுத்து நீட்டிக்கப்பட்டு ஆங்கில வழிக் கல்வியில் மாணவர்கள் சேர்க்கை தொடங்கப்பட்டு செயல்பட்டு வருகிறது . மாணவர்களின் கல்வி நலனைக் கருத்திற்கொண்டு பட்டதாரி ஆசிரியர்கள் பணியிடங்கள் நிர்ணயம் செய்யும் போது தமிழ் வழிக் கல்வியில் ' பயிலும் மாணவர்களின் எண்ணிக்கைக்கேற்ப , ஆசிரியர் நிர்ணயம் செய்வது போன்றே , ஆங்கில வழிக் கல்வியில் பயிலும் மாணவர்களின் எண்ணிக்கைக்கேற்ப தனியே ஆசிரியர் நிர்ணயம் செய்திட வேண்டும் .

ii ) ஆங்கில வழிப் பிரிவுகளில் ஒவ்வொரு வகுப்பிலும் குறைந்தபட்சம் 15 மாணவர்கள் இருப்பதை உறுதி செய்திடல் வேண்டும் . மேலும் , ஆங்கில வழிக் கல்வியில் மாணவர்களின் எண்ணிக்கை 15 க்கும் குறைவாக இருப்பின் , அவ்வகுப்பில் உள்ள குறைந்தபட்ச மாணவர்களை அருகாமையில் செயல்படும் ஆங்கில வழி பிரிவுகள் உள்ள பள்ளிகளில் சேர்த்திட நடவடிக்கை மேற்கொள்ளப்படவேண்டும்.




7 ) உபரி ஆசிரியர்களைக் கண்டறிதல் ஒரு பள்ளியில் மாணவர்களின் எண்ணிக்கையின் அடிப்படையில் பணியாளர் நிர்ணயம் செய்யப்படும்போது குறிப்பிட்ட பாடத்தில் உபரி எனக் கண்டறியப்பட்டால் பள்ளிவாரியாக குறிப்பிட்ட பாடத்தில் கடைசியாக அப்பள்ளியில் பணியில் சேர்ந்த இளையவர் ( Station junior ) யார் என்பதை தலைமை ஆசிரியரிடம் பெற்று அவரையே உபரி ஆசிரியர் பட்டியலில் பணி நிரவலுக்கு உட்படுத்த கணக்கிற்கொண்டு வருதல்வேண்டும்.

8 ) பணிநிரவல் சார்பான நடைமுறை பார்வை -5 ல் காணும் அரசாணையில் பக்கம் 4 ல் பத்தி 4 II ) i ) ii ) III ) i ) ii ) ஆகியவற்றில் தெரிவித்துள்ளவாறு பின்பற்றி செயல்படவேண்டும் . மேற்கண்ட அறிவுரைகளைத் தவறாது பின்பற்றி 01.08.2021 அன்றுள்ள நிலவரப்படி மாணவர்களின் எண்ணிக்கையின் அடிப்படையில் அனைத்துவகை அரசு / நகராட்சி உயர்நிலை / மேல்நிலைப் பள்ளிகளில் பணிபுரியும் ஆசிரியர்கள் ( பட்டதாரி / இடைநிலை ) சார்பான பணியாளர் நிர்ணய விவரங்களை இத்துடன் இணைக்கப்பட்டுள்ள படிவத்தில் பூர்த்தி செய்து கீழ்க்கண்ட தேதிகளில் நேரில் உரிய பிரிவில் ( சி 3 )

No comments:

Post a Comment