உங்க சிறுநீரகத்தை ஆபத்துகளில் இருந்து பாதுகாக்க இந்த பழங்களில் ஒன்றை தினமும் சாப்பிட்டால் போதுமாம்...!

ஆரோக்கிய வாழ்க்கைக்கு பழங்கள் இன்றியமையாத ஒன்றாகும். பெரும்பாலான பழங்கள் உங்கள் சிறுநீரகத்தை பாதுகாக்கும் வேலையை சிறப்பாக செய்கிறது.

ஏனெனில் அவை சுவையானவை, நார்ச்சத்து நிறைந்தவை, குறைந்த சோடியம் மற்றும் அத்தியாவசிய ஊட்டச்சத்துக்களைக் கொண்டவை. நாள்பட்ட சிறுநீரக நோய் (CKD) உள்ள ஒருவருக்கு குறிப்பிட்ட உணவுத் தேவைகள் பல காரணிகளைச் சார்ந்தது, எனவே சிறுநீரக நோயால் பாதிக்கப்பட்டவர்களுக்கு என்ன பழங்கள் நல்லது என்பதை தெரிந்து கொள்ள வேண்டியது அவசியம்.

பழங்களில் நார்ச்சத்து உள்ளது, இது மேம்பட்ட இரைப்பை குடல் ஆரோக்கியம் உட்பட பல ஆரோக்கிய நன்மைகளைக் கொண்டுள்ளது. கூடுதலாக, அதிக அளவு நார்ச்சத்து உட்கொள்பவர்கள் பக்கவாதம், உயர் இரத்த அழுத்தம், கரோனரி இதய நோய், உடல் பருமன் மற்றும் சில இரைப்பை குடல் நோய்கள் ஏற்படும் ஆபத்தும் குறைவாகும். ஒவ்வொரு பழமும் தனித்துவமான நன்மைகளைக் கொண்டுள்ளது. அதனை சரியாகத் தெரிந்து கொண்டால் எந்த பழம் சாப்பிடுவது உங்களின் எந்த உறுப்பை பாதுகாக்கும் என்ற புரிதலை பெறலாம். இந்த பதிவில் எந்தெந்த பழங்கள் உங்கள் சிறுநீரகத்தை பாதுகாக்கும் என்று பார்க்கலாம்.

எலுமிச்சை

குறைந்த அளவு பொட்டாசியம் மற்றும் அதிக வைட்டமின் சி, எலுமிச்சையை ஒரு சிறிய அளவில் உட்கொள்ளும் போது அதில் குறைந்த சர்க்கரை உள்ளடக்கம் உள்ளது. ஒரு உணவின் இயற்கையான சுவைகளை வெளிக்கொணர உப்புக்குப் பதிலாக உணவில் பயன்படுத்தலாம். இது உங்கள் சிறுநீரகம் சரியான முறையில் செயல்பட உதவுகிறது.

ஆப்பிள்

மில்லியன் கணக்கான ஆரோக்கியமான பாக்டீரியாக்களுடன், ஆப்பிள்கள் ஊட்டச்சத்தின் ஆற்றல் மையமாக உள்ளன. மேலும், ஆப்பிள்கள் கொலஸ்ட்ரால், மலச்சிக்கல் ஆகியவற்றைக் குறைக்க உதவுவதோடு இரத்தச் சர்க்கரை அளவைக் குறைக்கவும் உதவுகிறது. இதுதவிர, அழற்சி எதிர்ப்பு பண்புகள் மற்றும் அதிக நார்ச்சத்து சிறுநீரக செயல்பாடுகளை மேம்படுத்த உதவுகிறது மற்றும் உடலுக்கு போதுமான வலிமையை அளிக்கிறது.

கிரான்பெர்ரி

இந்த சிறிய பெர்ரிகளில் அழற்சி எதிர்ப்பு மற்றும் பாக்டீரியா எதிர்ப்பு பண்புகள் உள்ளன, இது சிறுநீரக கோளாறுகள் மற்றும் யுடிஐ ஆகியவற்றால் பாதிக்கப்பட்டவர்களுக்கு ஒரு சிறந்த மருந்தாக அமைகிறது. இந்த புளிப்பான பெர்ரி சிறுநீர்ப்பை நோய்த்தொற்றுகளுக்கு சிகிச்சையளிப்பதற்கும், சிறுநீர்ப்பை சுவரில் பாக்டீரியாக்கள் ஒட்டாமல் தடுப்பதற்கும் சிறந்தது. எனவே தினமும் ஒரு கையளவு கிரான்பெர்ரியை எடுத்துக் கொண்டால், சிறுநீரக நோய்கள் மற்றும் பிற வாழ்க்கை முறை நோய்கள் ஏற்படும் அபாயத்தைத் தடுக்கலாம்.

ப்ளூபெர்ரி

இந்த பெர்ரி ஊட்டச்சத்துக்கான நல்ல ஆதாரம் மட்டுமல்ல, அதே நேரத்தில் அவற்றின் நுகர்வு சிறுநீரக ஆரோக்கியத்திற்கு பல அதிசயங்களைச் செய்யும். இதில் ஆன்டிஆக்ஸிடன்ட்கள் மற்றும் பைட்டோநியூட்ரியண்ட்ஸ் எனப்படும் ஆந்தோசயனிடின்கள் அதிகம் உள்ளன, இது வீக்கத்தைக் குறைக்கிறது. மேலும், இந்த ஆன்டிஆக்ஸிடன்ட்கள் இந்த பெர்ரிகளுக்கு கண்ணைக் கவரும் சாயலைக் கொடுக்கின்றன. இந்த பெர்ரி வைட்டமின் சி-ன் ஒரு நல்ல மூலமாகும், மாங்கனீசு எலும்புகள், தோலுக்கு நல்லது மற்றும் வயதான அறிகுறிகளைக் குறைக்கிறது.

ராஸ்பெர்ரி

எலாஜிக் அமிலம் என்றழைக்கப்படும் பைட்டோநியூட்ரியண்ட்களின் நன்மையால் செறிவூட்டப்பட்ட ராஸ்பெர்ரி, செல் சேதத்தைத் தடுக்க உடலில் உள்ள ஃப்ரீ ரேடிக்கல்களை நடுநிலையாக்க உதவுகிறது. மேலும் அவற்றில் உள்ள ஃபிளாவனாய்டுகளான ஆந்தோசயினின்கள், ஆன்டிஆக்ஸிடன்ட்கள் ஆகியவை இந்த பெர்ரிகளுக்கு சிவப்பு நிறத்தைக் கொடுக்கிறது. இந்த பெர்ரி சிறுநீரக செயல்பாடுகளை மேம்படுத்தவும், புற்றுநோய் செல்கள் மற்றும் கட்டி செல்கள் வளர்ச்சியை குறைக்கவும் நல்லது. மேலும், அவை மாங்கனீசு, வைட்டமின் சி, நார்ச்சத்து மற்றும் ஃபோலேட் மற்றும் பி வைட்டமின் ஆகியவற்றின் சிறந்த மூலமாக இருக்கிறது.