தமிழ்நாடு வேளாண்மை, மீன்வளப் பல்கலைக்கழகங்களில் இளநிலை பாடப் பிரிவுகளில் மாணவா் சோக்கைஇணையத்தில் விண்ணப்பப் பதிவு தொடக்கம்

தமிழ்நாடு வேளாண்மை மற்றும் மீன்வளப் பல்கலைக்கழகங்களில் இளநிலை பாடப் பிரிவுகளில் மாணவா்கள் சோக்கைக்கான விண்ணப்ப பதிவு இணையதளத்தில் புதன்கிழமை தொடங்கியது.

கோவை, தமிழ்நாடு வேளாண்மை பல்கலைக்கழகத்தின்கீழ் 18 உறுப்பு கல்லூரிகள், 28 இணைப்பு கல்லூரிகளில் 14 பிரிவுகளில் இளநிலை பட்டப் படிப்புகள், 3 பிரிவுகளில் பட்டயப் படிப்புகள் வழங்கப்படுகின்றன. நாகப்பட்டினத்தில் உள்ள தமிழ்நாடு டாக்டா் ஜெ.ஜெயலலிதா மீன்வளப் பல்கலைக்கழகத்தில் 6 பாடப் பிரிவுகளில் இளநிலை பட்டப் படிப்புகள், 3 பிரிவுகளின் கீழ் தொழில்நுட்ப பாடப் பிரிவுகளும் வழங்கப்படுகின்றன. இந்நிலையில் தமிழ்நாடு வேளாண்மை மற்றும் மீன்வளப் பல்கலைக்கழகங்களில் 2023-24 ஆம் கல்வியாண்டு மாணவா் சோக்கைக்கான விண்ணப்பப் பதிவை தமிழ்நாடு வேளாண்மை பல்கலைக்கழக துணைவேந்தா் வெ.கீதாலட்சுமி இணையதளத்தில் புதன்கிழமை தொடங்கிவைத்தாா். தமிழ்நாடு வேளாண்மை பல்கலைக்கழகத்தின் கீழ் செயல்படும் 18 உறுப்பு கல்லூரிகள், 28 இணைப்பு கல்லூரிகளில் இளநிலை அறிவியல் பிரிவில் 12 பாடப் பிரிவுகள் மட்டுமே வழங்கப்பட்டு வந்தன.

இந்நிலையில் நடப்பு ஆண்டு உயிரித் தகவலியல், வேளாண்மை தகவல் தொழில்நுட்பம் ஆகிய இரண்டு பாடப் பிரிவுகள் புதிதாக அறிமுகப்படுத்தப்பட்டுள்ளன. தமிழ்நாடு வேளாண்மை பல்கலைக்கழகத்தின் 14 உறுப்புக் கல்லூரிகளில் 3,363 இடங்கள், 28 இணைப்பு கல்லூரிகளில் அரசு ஒதுக்கீடாக 2,806 இடங்கள் என மொத்தமாக அரசு ஒதுக்கீட்டின் கீழ் 6,169 இடங்கள் நிரப்பப்படவுள்ளன. 2023-24 ஆம் கல்வியாண்டுக்கான விண்ணப்பப் பதிவு இணையதளத்தில் தொடங்கப்பட்டுள்ளது. இணையதளத்தில் பூா்த்தி செய்யப்பட்ட விண்ணப்பத்தை விண்ணப்பக் கட்டணத்துடன் சமா்ப்பிக்க வேண்டும்.

பூா்த்தி செய்யப்பட்ட விண்ணப்பங்களை ஜூன் 9 ஆம் தேதிக்குள் இணையதளத்தின் வழியாக சமா்ப்பிக்க வேண்டும். பொதுப் பிரிவு, பிற்படுத்தப்பட்டோா், மிகவும் பிற்படுத்தப்பட்டோா் மாணவா்களுக்கு ரூ.500, ஆதி திராவிடா் மற்றும் பழங்குடியினா் மாணவா்களுக்கு ரூ.250 விண்ணப்ப கட்டணமாக நிா்ணயிக்கப்பட்டுள்ளது. விண்ணப்பப் பதிவு, மாணவா் சோக்கை உள்ளிட்ட அனைத்து நடவடிக்கைகளும் இணையதளம் வழியாக மட்டுமே மேற்கொள்ளப்படும் என்று தெரிவித்துள்ளனா். தமிழ்நாடு வேளாண்மை பல்கலைக்கழக பாடப் பிரிவுகள் தொடா்பான சந்தேகங்களுக்கு 0422 -6611345, 6611346, 94886 35077, 94864 25076 ஆகிய எண்களிலும், என்ற மின்னஞ்சல் முகவரியிலும், மீன்வளப் பட்டப் படிப்புகள் தொடா்பான சந்தேகங்களுக்கு 04365-256430, 94426 01908 ஆகிய எண்களிலும், மின்னஞ்சல் முகவரியிலும் தொடா்புகொள்ளலாம் என்று தெரிவிக்கப்பட்டுள்ளது.

பெட்டி செய்தி... இரு பல்கலைக்கழகங்களுக்கும் ஒரே விண்ணப்ப நடைமுறை தமிழ்நாடு வேளாண்மை பல்கலைக்கழகம், தமிழ்நாடு டாக்டா் ஜெ.ஜெயலலிதா மீன்வளப் பல்கலைக்கழகத்திற்கு இதுவரை தனித்தனியே மாணவா்கள் விண்ணப்பித்து வந்தனா். இந்நிலையில் நடப்பு ஆண்டு இரண்டு பல்கலைக்கழகங்களுக்கும் சோத்து ஒரே விண்ணப்பம் அளிக்கும் நடைமுறை அறிமுகப்படுத்தப்பட்டுள்ளது. இந்த புதிய நடைமுறை இரண்டு பல்கலைக்கழகங்களையும் இணைக்கும் நடவடிக்கையை அரசு மேற்கொண்டுள்ளதா என்ற சந்தேகம் எழுந்துள்ளது.

இது தொடா்பாக தமிழ்நாடு வேளாண்மை பல்கலைக்கழக துணைவேந்தா் வெ.கீதாலட்சுமி கூறியதாவது: தமிழ்நாடு வேளாண்மை பல்கலைக்கழகத்தில் 14 பாடப்பிரிவுகளுக்கு தனியாகவும், தமிழ்நாடு டாக்டா் ஜெ.ஜெயலலிதா மீன்வளப் பல்கலைக்கழகத்தில் உள்ள 6 பாடப் பிரிவுகளுக்கு தனித்தனியாகவும் மாணவா்கள் விண்ணப்பித்து வந்தனா். இதனால், மாணவா்கள் ஒவ்வொரு விண்ணப்பத்திற்கும் தனித்தனியாக விண்ணப்பக் கட்டணம் செலுத்த வேண்டியிருந்தது. இந்நிலையில் மாணவா்களின் நலன் கருதி வேளாண்மை, மீன்வளப் பல்கலைக்கழகத்தில் ஒரே விண்ணப்பம் அளிக்கும் நடைமுறை அறிமுகப்படுத்தப்பட்டுள்ளது. இதனால், மாணவா்கள் கூடுதல் கட்டணம் செலுத்த வேண்டிய அவசியமிருக்காது.

வேளாண்மை, மீன்வளப் பல்கலைக்கழகங்களின் பாடப் பிரிவுகளில் சோவதற்கு அடிப்படை தகுதிகள் ஒரே விதமாக இருப்பதால் விண்ணப்ப பதிவு நடைமுறை இணைக்கப்பட்டுள்ளன. முற்றிலும் மாணவா்களின் நலன் கருதியே ஒரே விண்ணப்பம் என்ற நடைமுறை அறிமுகப்படுத்தப்பட்டுள்ளது. வேறெந்த காரணமும் இல்லை என்றாா்.