ஜூலை மாதம் நாளை முதல் தொடங்க உள்ளது, உங்கள் பண விவகாரங்களைப் பாதிக்கும் வகையில் பல மாற்றங்கள் இருக்கும். அதாவது இந்த மாதம் நிதி விவகாரங்கள் தொடர்பான விதி மாற்றங்கள் இருக்கும். கிரெடிட் கார்டு விதிகள் மாற்றம், வருமான வரி விதி மாற்றம், உள்ளிட்ட நான்கு முக்கிய மாற்றங்கள் மாற்றி அமைக்கப்பட உள்ளன. அதன் விவரங்களை பார்க்கலாம்.
கிரெடிட் கார்டு விதிகள் மாற்றம்
சில கிரெடிட் கார்டு விதிகள் ஜூலை நாளை முதல் அமலுக்கு வரும் என்று இந்திய ரிசர்வ் வங்கி அறிவிப்பில் அறிவித்துள்ளது. இந்த விதிகளில், தவறான பில், பில் வழங்கும் தேதி, தாமதமாக பில் அனுப்புதல் மற்றும் கிரெடிட் கார்டை மூடுதல் போன்றவை தொடர்பாக பல விதிகள் மாறப்போகின்றன. இந்த விதிகள் நாளை முதல் மாற்றப்படும். ஏழு வேலை நாட்களுக்குள் வாடிக்கையாளரின் கோரிக்கையின் பேரில் கிரெடிட் கார்டு மூடப்படாவிட்டால், நிறுவனம் மூடப்படும் வரை வாடிக்கையாளருக்கு தினசரி ரூ.500 செலுத்த வேண்டும்.
பான்-ஆதார் இணைக்கும் அபராதம் அதிகரிக்கும்
இதுவரை பான் எண்ணை இணைக்காதவர்கள் ஜூலை 1 முதல் இரு ஆவணங்களையும் இணைக்க முயற்சித்தால் ரூ.1,000 அபராதம் செலுத்த வேண்டும். ஜூன் 30 வரை அபராதம் ரூ.500 ஆக நிர்ணயிக்கப்பட்டுள்ளது. மத்திய நேரடி வரிகள் வாரியம் பான்-ஆதார் இணைப்புக்கான காலக்கெடுவை மார்ச் 23 வரை நீட்டித்துள்ளது.
டாக்டர்கள், செல்வாக்கு செலுத்துபவர்களுக்கான வருமான வரி விதி மாற்றம்
நிறுவனங்களிடமிருந்து இலவசப் பொருட்களைப் பெறும் மருத்துவர்கள், செல்வாக்கு செலுத்துபவர்கள் மற்றும் பிற நபர்கள் அவற்றைப் பெறுவதற்கு ஜூலை 1 முதல் வரி செலுத்த வேண்டும் என்று வருமான வரித் துறை அறிவித்துள்ளது. நிதிச் சட்டம் 2022, வருமான வரிச் சட்டம், 1961 இல் 194R என்ற புதிய பிரிவைச் சேர்த்தது, இதன்படி, பலன்களைப் பெறுபவர்கள் 10 சதவீத விகிதத்தில் TDS செலுத்த வேண்டும்.
டிமேட் KYC(கேஒய்சி) விதி மாற்றம்
டீமேட் கணக்கிற்கான உங்கள் கேஒய்சியை செயல்படுத்துவதற்கான காலக்கெடு ஜூன் 30 ஆகும், செய்ய தவறினால் கணக்கு செயலிழக்கப்படும். பெயர், முகவரி, PAN, செல்லுபடியாகும் மொபைல் எண், வருமான வரம்பு மற்றும் சரியான மின்னஞ்சல் ஐடி போன்ற விவரங்களுடன் உங்கள் KYC ஐ புதுப்பிக்க வேண்டும். இதைச் செய்யாவிட்டால், ஜூலை 1 முதல் உங்கள் டிமேட் கணக்கு செல்லாததாகிவிடும்.
No comments:
Post a Comment