Recruitment of Apprentice Development Officer 22-23: அப்ரண்டிஸ் வளர்ச்சி அதிகாரி (Apprentice Development Officer) பணிக்கு விண்ணப்பங்கள் வரவேற்கப்படுவதாக லைஃப் இன்சூரன்ஸ் கார்ப்ப ரேஷன் ஆஃப் இந்தியா தெரிவித்துள்ளது.
வணிக சந்தைப் பற்றிய புரிதலும், நல்ல தகவல் தொடர்புத் திறனும் கொண்ட திறமையுள்ள இளம் பட்டதாரிகள் இதற்கு விண்ணப்பிக்கலாம்.
இந்த ஆட்சேர்ப்பின் மூலம், 1,516 அப்ரண்டிஸ் வளர்ச்சி அதிகாரிகள் நியமிக்கப்பட உள்ளனர். தேர்வு மற்றும் நியமனங்களில், அரசின் இட ஒதுக்கீட்டு முறை உட்பட்ட அரசின் விதிகளின்படி இருக்கும் என்று எல்ஐசி தெரிவித்துள்ளது.
பயிற்சிக் காலத்தில், அப்ரண்டிஸ் வளர்ச்சி அதிகாரியாக தேர்ந்தெடுக்கப்பட்ட விண்ணப்பதாரருக்கு ஒரு நிலையான உதவித் தொகையாக (Stipend) மாதத்திற்கு சுமார் ரூ.51,500/- வழங்கப்படும்.
எல்ஐசி நிறுவனத்தின் அதிகாரப்பூர்வ இணையதளமான https://licindia.in/-யில் ஆன்லைன் முறையில் விண்ணப்பங்கள் சமர்ப்பிக்க வேண்டும். விண்ணப்பங்கள் சமர்ப்பிக்க வேண்டிய கடைசி தேதி 10.02.2023 ஆகும்.
No comments:
Post a Comment