காலையில் வெறும் வயிற்றில் என்னென்ன குடிக்கலாம் தெரியுமா..? வெயிலுக்கு இதை ட்ரை பண்ணுங்க..!

இந்த கொளுத்தும் வெயில்காலத்தில் குடல் சார்ந்த பிரச்சனைகள் மற்றும் உடலில் உள்ள நீரை இழந்து டிஹைட்ரேஷன் பிரச்சனைகள் ஏற்பட அதிக வாய்ப்புகள் உள்ளன.

அந்த சமயத்தில் கூல் ட்ரிங்க்ஸ் அல்லது ஐஸ்கிரீம் சாப்பிடுவதை காட்டிலும் உடலுக்கு ஏற்ற ஒரு பானத்தை பருகுவது உகந்ததாகும்.

கோடை காலம் வந்தாலே, கடுமையான வெப்பத்தால் பசியின்மை மற்றும் செரிமான கோளாறுகள் ஏற்பட்டு உடல் ஆரோக்கியம் பாதிக்கப்படும். இந்த வெயில் காலத்தில் வரும் பெரும்பாலான ஆரோக்கிய பிரச்சனைகளுக்கு முக்கிய காரணமாக இருப்பது உடலுக்கு தேவையான நீரோட்டம் இல்லாததும், உடலுக்கு தேவையான நோய் எதிர்ப்பு சக்தியை தக்க வைக்க போதுமான அளவு வைட்டமின்கள் மற்றும் தாதுக்கள் கிடைக்காதது தான்.

குளுமையான மற்றும் சர்க்கரை கலந்த பானைகளை எடுத்துக் கொள்வதை காட்டிலும் மோர், தயிர், புதினா, சியா விதைகள், பெருஞ்சீரகம் போன்றவை அற்புதமான பலன்களை வழங்கக்கூடிய குளிர்ச்சியான உணவுகளாகக் கருதப்படுகின்றன. கூல் ட்ரிங்க்ஸ் மற்றும் ஐஸ்கிரீம் போன்றவற்றை நீங்கள் விரும்பி எடுத்துக்கொள்வதால் உங்கள் உடலுக்கு எந்த வகையிலும் அது உபயோமாக இருக்காது.

கோடை காலத்தில் ஆரோக்கியமாக இருப்பதற்காக காலையில் வெறும் வயிற்றில் நீங்கள் எடுத்து கொள்ள கூடிய எளிய பானங்கள் சில :

எலுமிச்சை நீர் மற்றும் சியா விதைகள்:

1 டீஸ்பூன் சியா விதைகளை ¼ கிளாஸ் தண்ணீரில் முதல் நாள் இரவே ஊற வைத்து மறுநாள் காலை அதில் 1 எலுமிச்சை பழச்சாற்றை பிழிந்து 150 மில்லி தண்ணீர் சேர்த்து எடுத்து கொள்ளலாம். இது உடலை நீரேற்றமாகவும், சீரான இயக்கத்தையும் செரிமான மண்டலத்தையும் ஆரோக்கியமாக வைத்து இருக்க உதவும்.

வெள்ளரி சாறு :

குளிர்ந்த வெள்ளரிக்காய் சாறு எடுத்து அதில் 4-5 புதினா இலைகளை நறுக்கி, ஒரு சிட்டிகை சாட் மசாலா அல்லது காலா நமக் சேர்த்து, 1 டீஸ்பூன் துருவிய மாங்காய் சேர்த்து உட்கொள்வதால் உடலை குளிர்ச்சியாக்கி, வயிறை லேசாக்குகிறது.

தண்ணீர் :

தண்ணீர் தான் முதன்மையானது, கோடை காலத்தில் இன்னும் அதிகமாக எடுத்துக்கொள்ள வேண்டும். காலையில் வெறும் வயிற்றில் இரண்டு டம்ளர் தண்ணீர் குடிப்பதால் இரவு உறங்கும் போது வறண்ட உங்கள் தோலுக்கு நீரேற்றம் கொடுக்கிறது.

தயிர்

½ கப் தயிர் மற்றும் ஒரு சிறிய துண்டு இஞ்சி, ஒரு சிட்டிகை ஹல்டி மற்றும் மிளகு தூள் சேர்த்து நன்றாக கலந்து ஃப்ரிட்ஜில் வைக்கவும். மறுநாள் காலை எழுந்தவுடன் வெறும் வயிற்றில் இதை பருகுவதால் உடலுக்கு தேவையான லாக்டோபாகில்லியை வழங்குகிறது.

கோடை காலத்தில் எளிதாக பரவக்கூடிய தொற்று நோய்களை தடுக்க ஆரோக்கியமான செரிமான அமைப்பை சீராக வைத்திருப்பது முக்கியம்.