வேளாண் பல்கலையில் நாளை நேரடி கலந்தாய்வு

கோவை வேளாண்மைப் பல்கலைக் கழகத்தில், 7.5 சதவீத இட ஒதுக்கீடு பிரிவு மாணவர்களுக்கு நாளை (ஆக.21) நேரடி கலந்தாய்வு நடத்தப்பட உள்ளது.

தமிழ்நாடு வேளாண்மைப் பல்கலைக்கழகம் வெளியிட்ட அறிக்கையில் கூறியிருப்பதாவது: இளம் அறிவியல் பட்டப்படிப்புகளுக்கு 7.5 சதவீதம் அரசு பள்ளியில் பயின்ற பொதுப்பிரிவு மற்றும் தொழில் முறைக் கல்வி பாடப்பிரிவு மாணவ, மாணவிகளுக்கான நேரடி கலந்தாய்வு நாளை மதியம் 3 மணிக்கு தமிழ்நாடு வேளாண்மைப் பல்கலைக்கழக வளாகத்தில் நடைபெற உள்ளது.

பொதுப்பிரிவினருக்கு நேரடி கலந்தாய்வு வரும் 22, 23-ம் தேதி ஆகிய இரண்டு நாட்கள் நடைபெற உள்ளது. நேரடி கலந்தாய்வுக்கான காலஅட்டவணை http://tnagfi.ucanapply.com என்ற இணையதளத்தில் வெளியிடப்பட்டுள்ளது.

மேலும், 7.5 சதவீதம் இட ஒதுக்கீடு மாணவர்களுக்கு நேரடி கலந்தாய்வில் கலந்து கொள்ள குறுஞ்செய்திகள் அந்தந்த மாணவர்களின் இ-மெயில் முகவரி, செல்போன் எண்ணுக்கு அனுப்பி வைக்கப்படும்.

அதை சரிபார்த்து கலந்தாய்வில் கலந்து கொள்ள வேண்டும். இதில் பங்கேற்க தவறியவர்களுக்கு மறுபரிசீலனை செய்யப்பட மாட்டாது. மேலும் விவரங்களுக்கு 0422-6611345, 0422-6611346 என்ற எண்களில் காலை 9 மணி முதல் மாலை 5 மணி வரை தொடர்பு கொள்ளலாம். இவ்வாறு அதில் கூறப்பட்டுள்ளது.