சி.பி.எஸ்.இ டெட் தேர்வு ஒத்திவைப்பு; மீண்டும் விண்ணப்பப் பதிவு தொடக்கம்

மத்திய ஆசிரியர் தகுதித் தேர்வை ஒத்திவைத்த சி.பி.எஸ்.இ; விண்ணப்பிக்க தவறியவர்களுக்கு மீண்டும் விண்ணப்பிக்க வாய்ப்பு; புதிய தேர்வு அட்டவணை விரைவில் வெளியாகும் என அறிவிப்பு

மத்திய இடைநிலைக் கல்வி வாரியம் (CBSE), 22-வது மத்திய ஆசிரியர் தகுதித் தேர்வை (CTET) ஒத்திவைத்துள்ளது; அத்துடன், முந்தைய காலக்கட்டத்தில் பதிவு செய்ய முடியாத தகுதியுள்ள விண்ணப்பதாரர்களுக்காக விண்ணப்பிக்கும் வாய்ப்பை மீண்டும் தொடங்கியுள்ளது.

சி.பி.எஸ்.இ வெளியிட்டுள்ள சமீபத்திய அறிவிப்பின்படி, சிடெட் 2026-க்கான விண்ணப்பப் பதிவு இணையதளம் ஆகஸ்ட் 25 முதல் செப்டம்பர் 1, 2026 வரை திறந்திருக்கும். முந்தைய காலக்கட்டத்திலேயே விண்ணப்பங்களைப் பூர்த்தி செய்து சமர்ப்பித்த விண்ணப்பதாரர்கள் மீண்டும் பதிவு செய்யத் தேவையில்லை.

நிர்ணயிக்கப்பட்ட ஆசிரியர் தகுதித் தேர்வு (TET) தகுதியைப் பெறுதல் எனும் சட்டப்பூர்வத் தேவையைப் பூர்த்தி செய்ய, தகுதியுள்ள ஆசிரியர்களுக்கு நியாயமான வாய்ப்பை வழங்க வேண்டும் என்று வலியுறுத்திய உச்ச நீதிமன்றத்தின் சமீபத்திய தீர்ப்பைத் தொடர்ந்தே இந்த முடிவு எடுக்கப்பட்டுள்ளதாக சி.பி.எஸ்.இ வாரியம் தெரிவித்துள்ளது.