நீரிழிவு நோய் வராமல் இருக்க பின்பற்றவேண்டிய வாழ்க்கை முறைகள் என்னென்ன? தவிர்க்கப்படவேண்டியவை என்ன?

இந்த வேகமான வாழ்க்கை பாதையில், வேலை காரணமாக ஏற்படும் மன அழுத்தம், தனிப்பட்ட பிரச்சினைகள், தொற்றுநோய், மாசுபாடு, நேரக் கட்டுப்பாடுகளைக் கையாளுதல் மற்றும் ஏராளமான விரும்பத்தகாத விஷயங்கள் போன்றவை மூலம் ஒரு ஆரோக்கியமற்ற வாழ்க்கை முறைக்கு நாம் பழகி வருகிறோம். இதன் விளைவாக, மக்கள் எளிதில் நோய்வாய்ப்படுகின்றனர். சில சமயங்களில் நாள்பட்ட நோய் பாதிப்பு ஏற்பட்டு அவதியுற்று வருகின்றனர்.

மேலும் அதிக உடல் எடை காரணமாக நீரிழிவு நோய்க்கு ஆளாகின்றனர். நீரிழிவு என்பது நம்மிடையே வளர்ந்து வரும் ஒரு மிகப்பெரிய கவலை ஆகும். ஆனால், ஒரு கவனமுள்ள வாழ்க்கை முறையைத் தேர்ந்தெடுப்பதன் மூலம், இந்த அழுத்தங்களை நாம் எளிதாக எதிர்த்துப் போராட முடியும். எப்போதும் குணப்படுத்துவதை விட தடுப்பு சிறந்தது என்பதால் உங்கள் ஆரோக்கியத்திற்கு முன்னுரிமை கொடுங்கள். எனவே, மகிழ்ச்சியான, மன அழுத்தமில்லாத வாழ்க்கையை அனுபவிக்க கீழ்காணும் வாழ்க்கை முறை மாற்றங்களைப் பின்பற்றுங்கள். இதன் மூலம் நீரிழிவு ஆபத்து தானாகவே வெளியேறும்.

1. எடையை நிர்வகிக்கவும்: அதிகமாக உணவு அருந்துவதில் ஈடுபட வேண்டாம். ஒரே நேரத்தில் அதிகமாக சாப்பிடுவது இன்சுலின் அளவை அதிகரிக்கச் செய்து இரத்த சர்க்கரையை அதிகரிக்கிறது. குறிப்பாக அடிவயிற்றைச் சுற்றி அதிகப்படியான கொழுப்பு சேர்ந்தால், அது இன்சுலின் மீதான உடலின் எதிர்ப்பை அதிகரிக்கும். பொதுவாக டைப் 2 நீரிழிவு அதிக எடை காரணமாக ஏற்படுகிறது. எனவே உணவை அளவோடு சாப்பிட வேண்டும் என்பது முதல் காரணியாகும். 2.வழக்கமான உடற்பயிற்சி: எப்போதும் சுறுசுறுப்பாக இருக்க வேண்டும். உட்கார்ந்தே இருக்கும் வாழ்க்கை முறையிலிருந்து சற்று விலகி இருங்கள். மேலும், நீங்கள் தவறாமல் உடற்பயிற்சி செய்வதை உறுதிப்படுத்திக் கொள்ள வேண்டும். கை பயிற்சிகள், நீச்சல், நடனம் மற்றும் யோகாசனங்கள் நீரிழிவு நோய்யை அண்ட விடாது. அதேபோல, எடை அதிகரிப்பதைத் தடுக்க இது ஒரு சிறந்த வழியாகும். இல்லையெனில் நீங்கள் குறைந்தது 30 நிமிடங்கள் தினசரி நடை பயணம் மேற்கொள்ளலாம்.

3.ஆரோக்கியமான மற்றும் சீரான உணவை உண்ணுங்கள்: பதப்படுத்தப்பட்ட உணவு, ஜங்க் புட் மற்றும் செயற்கையாக இனிப்பு பானங்கள் ஆகியவற்றை எடுத்துக்கொள்வதை குறைக்கவும். இந்த வகையான உணவுகளில் உப்பு மற்றும் கொழுப்பு அதிகம் உள்ளது. அதற்கு பதிலாக, வீட்டில் சமைத்த உணவுகளை சாப்பிடலாம். மேலும், பிரட் மற்றும் உருளைக்கிழங்கு போன்ற சுத்திகரிக்கப்பட்ட கார்போஹைட்ரேட்டுகளின் நுகர்வை கட்டாயம் கண்காணிக்க வேண்டும். ஓட்ஸ், கீரை, பச்சை காய்கறிகள் மற்றும் முழு தானியங்கள் போன்ற சிறந்த கார்போஹைட்ரேட்டுகளை சாப்பிடலாம்.

4.புகைபிடிப்பதை தவிர்க்க வேண்டும், குடிப்பழக்கத்தை குறைக்க வேண்டும்: நீரிழிவுநோய் பாதிப்பில் இருந்து மீள ஒருவர் மது அருந்துவதைக் கட்டுப்டுத்த வேண்டும். மேலும் புகைப்பழக்கத்தை விட்டுவிட வேண்டும். கட்டுப்பாடற்ற ஆல்கஹால் நுகர்வு உயர் இரத்த அழுத்தம் மற்றும் ட்ரைகிளிசரைடுகளின் அளவு அதிகரிக்க வழிவகுக்கிறது. இதேபோல், புகைபிடித்தல் இன்சுலின் எதிர்ப்புக்கு வழிவகுக்கிறது. 5.fad-diet- ல் இருந்து விலகி இருங்கள்: குறைந்த கார்ப் மற்றும் கிளைசெமிக்-இன்டெக்ஸ் டயட்டுகள் ஆரம்பத்தில் உங்களுக்கு உடனடி முடிவுகளை வழங்கக்கூடும். ஆனால் நீண்ட காலமாக, அவை உங்கள் உடலில் உள்ள ஊட்டச்சத்துக்களின் சமநிலையை சீர்குலைப்பதன் மூலம் உங்கள் ஆரோக்கியத்தை சமரசம் செய்கின்றன. உடல்நலம் என்று வரும்போது ஆரோக்கியமான உணவுகளை தேர்ந்தெடுங்கள்.உங்களுக்கு தேவை ஏற்படும் போதெல்லாம் மருத்துவர்கள் மற்றும் ஊட்டச்சத்து நிபுணர்களை அணுகவும்.

6.தண்ணீர் குடிக்கவும், நார்ச்சத்து நிறைந்த உணவுகளை உண்ணவும்: குடல் ஆரோக்கியத்திற்கும், எடையை நிர்வகிப்பதற்கும் நார்ச்சத்து சிறந்தது. நார்ச்சத்து நிறைந்த உணவுகளை ஏராளமாக உட்கொண்டு, இன்சுலின் கூர்முனைகளைத் தடுக்க ஏராளமான தண்ணீரைக் குடிக்கவும்.

இந்த வாழ்க்கை முறை மாற்றங்களை உறுதி செய்வதன் மூலம் நீங்கள் ஆரோக்கியமான மற்றும் நீரிழிவு இல்லாத வாழ்க்கையைப் பெறலாம்.