சர்க்கரைவள்ளி கிழங்கு சாப்பிட்டால் இவ்ளோ நன்மைகள் கிடைக்குமா .?

வைட்டமின் A,B,C என வரிசையாக வைட்டமின்களை கொண்டுள்ள ஊட்டச்சத்து நிறைந்த கிழங்கு வகையை சேர்ந்த ஒரு சுவைமிக்க ஆரஞ்சு, பர்பிள், வெள்ளை என கலர் கலராக இருக்கும் இந்த கிழங்கில் நார்ச்சத்து, வைட்டமின்கள், மினரல்கள், ஆன்டிஆக்ஸிடண்டுகள் நிறைந்துள்ளன.

உங்களை புற்றுநோய் அபாயத்திலிருந்து காப்பது, கண்பார்வை நலன், குடல் இயக்க செயல்பாடு, மூளை செயல்பாடு, நோயெதிர்ப்பு மண்டல செயல்பாடுகளை அதிகப்படுத்துவது உள்ளிட்ட உடலின் பல்வேறு தேவைகளுக்கு இது பயன்படுகிறது.

சர்க்கரை வள்ளி கிழங்கில் ஒளிந்துள்ள சத்துக்கள் :

கார்ப்ஸ் 41கி , புரதம் 4கி , கொழுப்பு 0.3கி , நார்ச்சத்து 6.6கி , கலோரி 180 ஆகிய சத்துக்கள் உள்ளன. மேலும் வைட்டமின் A , வைட்டமின் C , வைட்டமின் B6 , மாங்கனீசு, காப்பர் , பொட்டாசியம், பேண்டோதீனிக் அமிலம், நியாசின் ஆகியவை உள்ளன. இந்த ஊட்டச்சத்துக்கள் உங்களது உடலில் உள்ள பாதி செயல்பாடுகளோடு தொடர்புடையது. மேலும், இதிலுள்ள அதிக நார்ச்சத்து பண்பு உங்களது குடல் இயக்க செயல்பாட்டிற்கு உதவுகிறது.

இதில் உள்ள அதிகமான ஆன்டிஆக்ஸிடன்ட் பண்பு உங்களை ஃப்ரீ ரேடிக்கல்ஸின் அபாயத்திலிருந்து பாதுகாக்கிறது. இந்த ஃப்ரீ ரேடிக்கல்ஸ் உங்களது டிஎன்ஏவை சேத படுத்துவது மட்டுமல்லாமல் வீக்கத்தை தூண்டுகிறது. இந்த ஃப்ரீ ரேடிக்கல்ஸ் டேமேஜ் புற்றுநோய், இதய கோளாறுகள் மற்றும் வயதாவதோடு தொடர்புடையது.

1.​பளிச்சுனு கண் பார்வை :

சர்க்கரை வள்ளி கிழங்குகளில் பீட்டா கரோட்டின் நிறைந்து காணப்படுகிறது. இந்த ஆன்டிஆக்ஸிடண்டு தான் காய்கறிகளில் காணப்படும் ஆரஞ்சு நிறத்திற்கு காரணம்.இந்த பீட்டா கரோட்டின் உங்களது உடலில் வைட்டமின் A வாக மாற்றப்பட்டு கண்களுக்குள் ஒளியை கண்டறியும் கூறுகளை உருவாக்க பயன்படுகிறது.

ஆரஞ்சு நிற சர்க்கரை வள்ளி கிழங்குகளை உண்ணும்போது இது உங்கள் கண்களின் ஆரோக்கியத்திற்கு தேவையான சத்துக்களை தருகிறது. மேலும், பர்பிள் நிற கிழங்கில் உள்ள அந்தோசயனின் உங்களது கண் ஆரோக்கியத்திற்கு உதவலாம் என அமெரிக்க தேசிய மருத்துவ நூலக ஆய்வு தகவல்கள் தெரிவிக்கின்றன.

2.மூளையின் செயல்பாட்டை அதிகரிக்கிறதாம் :

இதுவரை விலங்குகள் மீது நடத்தப்பட்ட ஆய்வுகளில் பர்பிள் நிற கிழங்கில் காணப்படும் அந்தோசயனின் மூளை ஆரோக்கியத்திற்கு உதவுவதாக கண்டறியப்பட்டுள்ளது. அதன்படி , வீக்கங்களை குறைத்தல் மற்றும் ரேடிக்கல் சேதங்களில் இருந்து பாதுகாப்பதன் மூலம் இவை மூளை ஆரோக்கியத்தை பாதுகாக்கின்றனவாம். நியாபக சக்தியை மேம்படுத்துகிறது என்றும் ஆய்வாளர்கள் கூறுகின்றனர்.

பொதுவாகவே ஆன்டிஆக்ஸிடண்டுகள், பழங்கள், ஊட்டச்சத்து நிறைந்த காய்கறிகள் மற்றும் இதர ஊட்டச்சத்துகள் அடங்கிய உண்வுகளை தொடர்ந்து உங்களது டயட்டில் சேர்த்து கொள்வதால் உங்களுக்கு மனநல பாதிப்பு ஏற்படும் அபாயம் 13% குறைவதாக அமெரிக்க தேசிய மருத்துவ நூலக ஆய்வு தகவல்கள் கூறுகின்றன.

3.குடல் ஆரோக்கியம் :

சர்க்கரைவள்ளி கிழங்கில் கரையக்கூடிய மற்றும் கரையும் தன்மையற்ற இரண்டு விதமான நார்ச்சத்துக்களும் உள்ளன. இதிலுள்ள நார்ச்சத்துக்கள் மற்றும் ஆன்டிஆக்ஸிடண்டுகள் உங்களின் குடல் ஆரோக்கியத்திற்கு முக்கியமானது. இதிலுள்ள கரையக்கூடிய நார்ச்சத்துக்கள் உங்களது குடல் பகுதியில் தங்கி மலத்திலிருந்து தண்ணீரை உறிஞ்சி சுமூகமாக மலம் வெளியேற உதவுகிறது.

கரையாத நார்ச்சத்துக்களும் பாக்டீரியாக்களுடன் நொதித்து ஒரு சில அமிலங்களை உருவாக்கி உங்களின் குடல் பகுதி ஆரோக்கியமாகவும், ஸ்டராங்காகவும் இருக்க உதவுகிறது. இதில் உள்ள ஆன்டிஆக்ஸிடண்டுகள் உங்களது குடலுக்கு தேவையான சில நல்ல பாக்டீரியாக்களை உருவாக்கி குடலை ஆரோக்கியமாக வைத்து கொள்கிறது.

மேலும், IBS போன்ற குடல் இயக்க பிரச்சனைகள் ஏற்படும் அபாயங்களில் இருந்தும் பாதுகாக்கிறது. ஒரு நாளில் 20-33கி நார்ச்சத்து எடுத்துக்கொள்வது குடல் புற்றுநோய் அபாயம் மற்றும் இன்னும் பிற குடல்சார் பிரச்சனைகளின் அபாயத்தை குறைப்பதாக மருத்துவ நூலகத்தின் தரவுகள் கூறுகின்றன.

4.புற்றுநோய் அபாயத்திலிருந்து பாதுகாப்பு :

சர்க்கரை வள்ளி கிழங்கில் காணப்படும் ஆன்டிஆக்ஸிடண்டுகள் கேன்சர் எதிர்ப்பு கூறுகளாகவும் செயல்படுகிறது. குறிப்பாக பர்பிள் சர்க்கரை வள்ளி கிழங்கில் காணப்படும் அந்தோசயனின் என்று சொல்லக்கூடிய ஆன்டிஆக்ஸிடண்டுகள் சிறுநீர்ப்பை, குடல், வயிறு மற்றும் மார்பக புற்றுநோய் செல்கள் வளர்ச்சியை மந்தப்படுத்துவதாக அமெரிக்க தேசிய மருத்துவ நூலக தரவுகள் கூறுகின்றன.

5.​நோயெதிர்ப்பு மண்டலத்தை வலுப்படுத்தும் :

முன்பே சொன்னது போல், ஆரஞ்சு நிற கிழங்குகளில் இருக்கும் பீட்டா கரோட்டின் உங்களது உடலுக்கு வைட்டமின் A சத்தை தருகிறது. இது உங்களின் நோயரதிர்ப்பு சக்தியை பாதுகாக்கவும், குடல் ஆரோக்கியத்தை பாதுகாக்கவும் தேவையானது. எனவே, உங்களுக்கு இதை உண்ணும்போது வைட்டமின் A குறைபாடு ஏற்படாமல் பார்த்து கொள்வதன் மூலம் நோயெதிர்ப்பு சக்தி மற்றும் குடல் ஆரோக்கியத்தை பார்த்து கொள்கிறது.இந்த ஆரோக்கிய நலன்களுக்காக உங்களது டயட்டில் சர்க்கரைவள்ளி கிழங்கை சேர்த்து கொள்வதற்கு முன் ஒரு முறை உங்கள் ஊட்டச்சத்து நிபுணரோடு விவாதித்து கொள்ளுங்கள்.