பல்கலைக்கழக உதவி பேராசிரியர் பணிக்கு செட் என்ற பெயரில் மாநிலத் தகுதித் தேர்வு நடத்தப்படுகின்றன. நெட் தேர்வை பல்கலைக்கழக மானியக் குழு சார்பில் தேசிய தேர்வு முகமை என்ற அமைப்பு நடத்தி வருகிறது.
தமிழகத்தில் இந்த ஆண்டுக்கான செட் தேர்வை மனோன்மணீயம் சுந்தரனார் பல்கலைக்கழகம் நடத்துகிறது.
விண்ணப்பங்கள்:தமிழ், ஆங்கிலம், கணிதம் உள்ளிட்ட 43 பாடங்களுக்கான செட் தேர்வு ஜுன் 3-ம் தேதி கணினி வழியில் நடைபெற உள்ளது. இதற்கான இணையதள விண்ணப்பப் பதிவு ஏப்ரல் 1-ம் தேதி தொடங்கி 30-ம் தேதி முடிவடைகிறது.
திருத்தத் தேதிகள்:விண்ணப்பங்களில் ஏதேனும் பிழை இருந்தால் அதை திருத்துவதற்கான கால அவகாசமும் கொடுக்கப்படுகிறது இதை மே 3 2024 மற்றும் மே 4, 2024 ஆகிய இரு தேதிகளில் செய்து கொள்ளலாம்
தேர்வு தேதி:ஜூன் 3 முதல் 25ஆம் தேதிக்குள் மாநில தகுதித் தேர்வு நடைபெறும் என்று தெரிவிக்கப்பட்டுள்ளது.
தேர்வு :உயர் கல்வித் துறை, அரசாணை அடிப்படையில் எழுத்துத் தேர்வு 200 மதிப்பெண்களுக்கு நடத்தப்படும். நேர்முகத் தேர்விற்கு 15 மதிப்பெண்கள் வழங்கப்படும் என அறிவித்துள்ளது. முதுகலை பாடங்களில் இருந்து போட்டி தேர்வு கேள்விகள் இடம் பெறும்.
தாள் ஒன்று, தாள் இரண்டு என்று இரண்டு தாள்களை கொண்ட இது 180 நிமிடங்கள் அதாவது 3 மணி நேரத்துக்கு நடைபெறும்.
பகுதி ஒன்றில் தமிழ்ப் பாடத்தில் 25 மதிப்பெண்கள் கொள் குறி வகையிலும், பொது அறிவு 25 மதிப்பெண்கள் என மொத்தம் 50 மதிப்பெண்களுக்குக் கேள்விகள் இடம் பெறும். பகுதி இரண்டில் இரண்டு மணி நேரத்திற்கு 50 மதிப்பெண்களுக்குத் தேர்வு நடைபெறும்.
தாள் இரண்டில் 100 மதிப்பெண்களுக்குத் தேர்வு நடைபெறும்.
அதனைத் தொடர்ந்து நேர்காணல் 30 மதிப்பெண்களுக்குத் தேர்வு நடத்தப்படும்.
இரண்டு தாள்களுக்கும் இடையில் எந்தவித இடைவேளையும் இருக்காது.
முதல் ஷிப்ட் காலை 9:00 மணி முதல் மதியம் 12 வரையிலும், இரண்டாவது ஷிப்ட் 2 மணி முதல் 5 மணி வரையிலும் நடக்கும்.
தேர்வு நடைபெறும் இடம் மற்றும் ஹால் டிக்கெட் குறித்த விபரங்கள் பின்னர் அறிவிக்கப்படும்
அரசு கலை மற்றும் அறிவியல் கல்லூரிகளில் பணிபுரிந்து வரும் கௌரவ விரிவுரையாளர்களுக்கு, உயர் கல்வித் துறையின் அரசாணையின்படி, அதிகபட்சமாக 15 மதிப்பெண்கள் வழங்கப்படும்.
அடிப்படைத் தகுதிகள் என்ன?முதுகலை படிப்பில் குறைந்தபட்சம் 55 சதவீத மதிப்பெண்களைப் பெற்றிருக்க வேண்டும்.
எஸ்சி, எஸ்டி, மாற்றுத் திறனாளிகள் / மூன்றாம் பாலினத்தவர்கள் 50 சதவீத மதிப்பெண்களைப் பெற்றிருக்க வேண்டும்.
வயது வரம்பு:தேர்வுக்கு விண்ணப்பிக்க வயது வரம்பு எதுவும் இல்லை. 58 வயது வரை தேர்வர்கள் விண்ணப்பிக்கலாம். மேலும், விவரங்களுக்கு https://msutnset.com/TNSET2024_Notifications.pdf என்ற இணைப்பை க்ளிக் செய்யவும்.
விண்ணப்பிப்பது எப்படி?மனோன்மணீயம் சுந்தரனார் பல்கலைக்கழகத்தின் https://msutnset.com/ என்ற அதிகாரப்பூர்வ இணையதளத்தில் மட்டுமே விண்ணப்பிக்க முடியும்
விண்ணப்பக் கட்டணம்:பொதுப் பிரிவினருக்கான கட்டணம் ரூ.1500-ல் இருந்து ரூ.2500 ஆகவும்,
பிற்படுத்தப்பட்டோர், மிகவும் பிற்படுத்தப்பட்டோருக்கான கட்டணம் ரூ.1250-ல் இருந்து ரூ.2,000 ஆகவும்,
பட்டியலினத்தவர் மற்றும் பழங்குடியினருக்கான கட்டணம் ரூ.500-ல் ருந்து ரூ.800 ஆகவும் உயர்த்தப்பட்டுள்ளது.
எனினும் மூன்றாம் பாலினத்தவருக்கு எந்த கட்டணமும் இல்லை.
No comments:
Post a Comment