8-வது ஊதியக்குழுவின் பரிந்துரைகள் எப்போது அமலுக்கு வரும் என்ற எதிர்பார்ப்பு மத்திய அரசு ஊழியர்களிடம் அதிகரித்துள்ளது.
இந்த நிலையில், அமல்படுத்துவதில் ஏற்படும் தாமதத்தைப் பொறுத்து சில ஊழியர்களுக்கு லட்சக்கணக்கில் நிலுவைத் தொகை கிடைக்கலாம் என்ற கணக்கீடுகள் வெளியாகியுள்ளன.
ரூ.18 லட்சம் எப்படி கிடைக்கும்?
லெவல்-8 ஊழியரின் தற்போதைய அடிப்படை ஊதியம் ரூ.47,600. 8-வது ஊதியக்குழுவில் 2.57 ஃபிட்மென்ட் ஃபேக்டர் பயன்படுத்தப்பட்டால், இது ரூ.1,22,332 ஆக உயரலாம். இதன்படி மாத அடிப்படை ஊதியத்தில் ரூ.74,732 வித்தியாசம் ஏற்படும்.
இந்த மாற்றம் 24 மாதங்கள் தாமதமாக அமல்படுத்தப்பட்டதாகக் கருதி கணக்கிட்டால், ரூ.74,732 × 24 என்ற அடிப்படையில் ரூ.17,93,568 வரை அரியர்ஸ் வரலாம்.
எல்லோருக்கும் ஒரே தொகை கிடையாது
இது அரசு அறிவித்துள்ள உறுதியான தொகை அல்ல. 2.57 என்ற ஃபிட்மென்ட் ஃபேக்டர், 24 மாத தாமதம் போன்ற அனுமானங்களை வைத்து செய்யப்பட்ட கணக்கீடு மட்டுமே.
மேலும், உண்மையான அரியர்ஸ் தொகை ஊழியரின் பே லெவல், இறுதியாக நிர்ணயிக்கப்படும் ஃபிட்மென்ட் ஃபேக்டர் மற்றும் அமலாக்க காலம் ஆகியவற்றைப் பொறுத்து மாறுபடும்.
8-வது ஊதியக்குழுவின் நிலை என்ன?
8-வது ஊதியக்குழு தற்போது ஊழியர்கள் மற்றும் ஓய்வூதியதாரர்களின் பிரதிநிதிகளுடன் பல்வேறு நகரங்களில் ஆலோசனை நடத்தி வருகிறது. பெங்களூருவில் அக்டோபர் 7, 8 தேதிகளில் அடுத்தகட்ட ஆலோசனைக் கூட்டங்கள் நடைபெற உள்ளன.
ஊதியக்குழுவுக்கு அறிக்கை சமர்ப்பிக்க 18 மாதங்கள் அவகாசம் வழங்கப்பட்டுள்ளது. தற்போதைய விதிமுறையின்படி, அறிக்கையை மே 2027-க்குள் சமர்ப்பிக்க முடியும். அதன் பிறகு மத்திய அரசு பரிசீலித்து, இறுதி முடிவை அறிவிக்கும்.
No comments:
Post a Comment